Sylvia Plath

Sylvia Plath
Teach Shylvia Plath i Londain Shasana
Dáta breithe	27 Deireadh Fómhair, 1932
	Bostún, Massachusetts, SAM
Dáta báis	11 Feabhra, 1963
	Londain, Sasana
Ainm cleite	Victoria Lucas
Náisiúntacht	Meiriceánach
Gairm	File, úrscéalaí, gearrscéalaí
Seánra	Filíocht, faoistiniúil
Duaiseanna	Scoláireacht Fulbright, Duais Glascock (1955), Duais Pulitzer don Fhilíocht (1982), Ánracht Woodrow Wilson
Céile	Ted Hughes
Síniú

B'fhile, úrscéalaí agus gearrscéalaí Meiriceánach í Sylvia Plath. Rugadh i mBostún, Massachusetts í ar an 27 Deireadh Fómhair, 1932 agus cailleadh í ar an 11 Feabhra, 1963 i Londain Shasana tar éis di lámh a chur ina bás féin. D'fhreastal sí ar Choláiste Mhic Gabhainn (Béarla: Smith College) i Northampton, Massachusetts (Sasana Nua) agus ar Choláiste Newnham sa Droichead Cam nuair a bhronnadh an Scoláireacht Fulbright uirthi. Phós sí an file Ted Hughes sa bhliain 1956 agus chuir siad fúthu i Meiriceá, sular bhog go Sasana sa bhliain 1959. Bhí beirt clainne acu: Frieda agus Nicholas. Bhí fulaingt dhian ag Sylvia Plath leis an ghalar dubhach, agus bhí sí sin, maraon lena hidirscaradh pósta sa bhliain 1962, ar cheann de na príomhchúiseanna lena féinmharú.

Saothair

An Clogad

Is é An Clogad (Béarla: The Bell Jar) an leabhar is mó le rá de chuid Sylvia Plath. Úrscéal dírbheathaisnéiseach atá sa Chlogad, an t-aon úrscéal dár scríobh Plath riamh. Foilsíodh den chéad uair é sa bhliain 1963 (mí roimh bhás an údair) faoin ainm cléite Victoria Lucas. B'iarracht é An Clogad a léiriú "cé chomh leithlisithe is a mhothaíonn an té atá i mbun cliste néaraigh" agus "mo shaol [saol Shylvia Plath] agus na daoine atá inti a shamhail mar a bheadh dá mbeifeá ag faire orthu trí ghloine chlogaid a dhéannann rudaí a dhíchumadh".