An Gúm

Ón Vicipéid, an chiclipéid shaor.
An Gúm
An Gúm.jpg
Saghas comhlachta Comhlacht reachtúil
Bunaithe 1926
Suíomh 27, Sráid Fhreidric Thuaidh, BÁC 1
Tír (Tíortha) {{{tír}}}
Daoine lárnacha Barra Mac Aodha Bhuí (ardoifigeach feidhmiúcháin), Seosamh Ó Murchú (eagarthóir sinsearach)
Méid fostaithe >10
Tionscail Foilsitheoireacht, foclóireacht[1]
Láithreán gréasáin Gaeilge.ie - An Gúm

Is comhlacht de chuid rialtas na hÉireann é An Gúm atá ceaptha le litríocht Gaeilge a fhoilsiú, go háirithe áiseanna oideachais. Bunaíodh sa bhliain 1926 é mar chuid de Roinn Oideachais na hÉireann ach anois is cuid d'Fhoras na Gaeilge é. Is é an foilsitheoir leabhar Gaeilge is mó sa tír. An leabhar is cáiliúla a d'fhoilsigh sé ná an Foclóir Póca, ar bhain, nó a mbaineann, beagnach gach dalta scoile in Éirinn úsáid as. Is iomaí foclóir eile a tháinig ón nGúm, áfach, ar nós foclóirí Néill Uí Dhónaill (Foclóir Gaeilge-Béarla) agus Thomáis de Bhaldraithe. Thairis sin, bíonn an Gúm ag foilsiú leaganacha nua de leabhair Ghaeilge na bhfichidí agus na dtríochaidí.

Faoi láthair tá sé i gceist ag an nGúm foclóir nua Gaeilge-Béarla a chur i dtoll le chéile a chuireann san áireamh raon úsáide go léir na teanga inniu. Críochnaíodh Céim a hAon, céim na pleanála agus an deartha i bhFómhar na bliana 2004, agus Céim a Dó, cumadh an fhoclóra féin, ar obair inniu.

Is é is brí leis an bhfocal sin gúm ná "plean", "scéim", "cleas", nó "tionscadal". Focal é nach gcloisfeá i ngach Gaeltacht sa bhunchiall seo, ach nuair a bhí an teanga á labhairt i gContae an Chláir, ba chuid de chanúint an cheantair sin é. Focal nádúrtha é freisin i nGaeilge Bhaile an Chláir taobh thoir de Chathair na Gaillimhe.

Tagairtí[athraigh | athraigh vicithéacs]