Suzanne (amhrán)
 | |
| Cineál | saothar ceoil music track with vocals (en)  |
|---|---|
| Taibheoir | Judy Collins, Leonard Cohen, Noel Harrison, Roberta Flack agus Flo Morrissey (en) |
| Obair | Songs of Leonard Cohen |
| Foilsithe | 1966 |
| Seánra | ceol tíre |
| Teanga | Béarla |
| Liriceoir | Leonard Cohen |
| Cumadóir | Leonard Cohen |
| Léiritheoir | John Simon |
| Ainmnithe in ómós | Suzanne Verdal |
 | |
Dán agus amhrán de chuid Leonard Cohen is ea Suzanne,[1] foilsithe don chéad uair sa bhliain 1966 (sa chnuasach filíochta Parasites of Heaven). Chas Judy Collins an t-amhrán don chéad uair, in 1966 chomh maith. D'eisigh Cohen Suzanne in 1967, a chéad singil, ach níor éirigh ró-mhaith leis ag an am.
Bhí gaol platónach ag Cohen le Suzanne Verdal, damhsóir i Montréal agus tá an t-amhrán fúithi[2] (agus ní Suzanne Elrod, an dara bean ina shaol, máthair na bpáistí aige).[3]
Suzanne agus Gaeilge
[cuir in eagar | athraigh foinse]Bhí tionchar mór ag William Butler Yeats ar Cohen agus bhí caidreamh gnaíúil aige lena lucht éisteachta in Éirinn.
Sna 2010idí, d’aistrigh na filí Gabriel Rosenstock agus Liam Ó Muirthile cuid de liricí Cohen go Gaeilge mar chuid den fhéile litríochta IMRAM agus chan Liam Ó Maonlaí, David Blake, Hilary Bow agus an Brad Pitt Light Orchestra iad ag ócáid speisialta le linn na féile.[4]
Liricí
[cuir in eagar | athraigh foinse]Suzanne cois na habhann
Greim láimhe ar a chéile
Is is clos na báid ag gluaiseacht
Beidh tú léi ar feadh na hoíche.
Agus tá sí leathchraiceáilte
Sin an fáth a bhfuil tú léithi:
Seo chugainn tae anois ’s oráistí
Ó chuanta na Síne
Is tú ar tí anois a rá léi
Nach bhfuil grá agat le tabhairt di
Ar a tonnfhad breá atá tú
Ag an abhainn atá an freagra:
Bhí tú riamh mar leannán aici:
Is ba mhaith leat taisteal léithi
Is ba mhaith leat taisteal dall
Mar tá muinín aici asat –
Is bhí d’aigne sáite riamh ina cabhail.
Is bhí Íosa ina loingseoir
Nuair a shiúil Sé ar an uisce
Is bhí feitheamh fada fuar ann
Óna thúr adhmaid uaigneach,
Is nuair tuigeadh Dó gan bhréag
Nach mbeadh radharc Air ach san éag:
‘Bíodh gach éinne ina loingseoir
Go saorfaidh an mhuir mhór iad.’
Ach bhí Sé briste brúite
Sula n-osclódh na spéartha,
É tréigthe, nach mór daonna,
Bádh faoi do ghaois-se É mar chloch.
Is ba mhaith leat taisteal Leisean
Is ba mhaith leat taisteal dall
Ba mhaith leat É a thrustáil –
Bhí A aigne sáite ionat riamh anall.
Tá do lámh ag Suzanne
Agus seo libh chun na habhann
Lena ceirteacha is cleití
Ó Naomh Uinseann bocht de Pól
Tá an ghrian ag doirteadh meala
Ar ár maighdean ’tá sa chuan.
Agus deir sí ‘Féach arú
I measc an bhruscair is na mbláth.
Tá na Fianna san fheamainn
Is tá leanaí ann ar maidin.
Táid ag síneadh chun an ghrá
Agus is amhlaidh a bheidh choíche.’
Ag Suzanne ’tá an scáthán:
Is ba mhaith leat taisteal léithi
Is ba mhaith leat taisteal dall
Mar tá muinín aici asat – [3]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "Suzanne (Live) | The Official Leonard Cohen Site". web.archive.org (2012-03-11). Cartlannaíodh an bunleathanach ar 2012-03-11. Dáta rochtana: 2023-11-11.
- ↑ BBC. "The Story of Suzanne". www.leonardcohenfiles.com. Dáta rochtana: 2023-11-11.
- ↑ 3.0 3.1 Gabriel Rosenstock (11 Samhain 2016). "LEONARD COHEN (1934-2016): Ar shlí, níl deireadh in aon chor leis, ná baol air, is ní bheidh go deo…" (ga-IE). Tuairisc.ie. Dáta rochtana: 2023-11-11.
- ↑ "Aistriúcháin COHEN : ‘Bead ag caint leat go binn ó fhuinneog i dTúr na nAmhrán’" (ga-IE). Tuairisc.ie (2016-11-11). Dáta rochtana: 2023-11-11.