Shay Given

Ón Vicipéid, an chiclipéid shaor.
Shay Given
Shay Given2.JPG
Eolas pearsanta
Dáta breithe 20 Aibreán, 1976
Áit breithe Leifear, Contae Dhún na nGall
Club reatha
Club Aston Villa F.C.
Suíomh 1 (Cúl Báire)
Foirne mar imreoir
1993–1994
1994–1997
1995
1996
1997–2009
2009–2011
2011-inniu
1996-inniu
Celtic F.C.
Blackburn Rovers
Swindon Town (iasacht)
Sunderland (iasacht)
Newcastle United
Manchester City
Aston Villa
Poblacht na hÉireann

Cúl báire sacair Éireannach is ea Séamus "Shay" Given (Gaeilge: Séamus Mac Dhuibhín). Rugadh i Leifear i gContae Dhún na nGall é sa bhliain 1976. Ba é Ceiltigh Ghlaschú an chéad chlub ar shínigh sé leis nuair a bhí sé ina leaid óg. Rinne sé an turas fada go hAlbain agus é sé bliana déag d'aois. Chaith sé cúpla bliain ann. Tháinig feabhas ar a chuid scileanna de réir a chéile agus é ag traenáil in éineacht le cúl báirí oilte ar nós Packie Bonner (Pádraig Ó Cnaimshí), Gordon Marshall agus Stewart Kerr. I mí Eanáir na bliana 1994, bhí sé i measc na n-ionadaithe don chluiche Old Firm in aghaidh na Raonaithe.

Níos déanaí sa bhliain sin, d'fhág sé Parkhead agus d'imigh sé go Lancashire, Sasana áit a thosaigh sé ag imirt le Blackburn Rovers. Nuair a bhí sé ann, thug Mick McCarthy deis don Given óg imirt mar chúl báire le foireann na hÉireann. D'imir sé an chéad chluiche lena thír dhúchais in aghaidh na Rúise sa bhliain 1996, agus thug sé taispeántas réasúnta maith. Ag an am céanna, bhí sé deacair dó a áit a choimeád i bhfoireann Blackburn Rovers, toisc go raibh an cúl báire Sasanach Tim Flowers ann chomh maith. Mar sin, chuaigh sé ar dtús go dtí Swindon Town agus ansin go dtí Sunderland chun taithí a fháil. Cheannaigh Newcastle United é sa bhliain 1997 áit inár choinnigh sé a áit idir na póstaí ó shin go dtí 1 Feabhra 2009. Cheannaigh Manchester City F.C. é sa bhliain 2009 i gcomhair thart ar 8 milliún euro.


Soccerball.svg
Flag of Ireland.svg Déileálann an síol seo le imreoirí sacair na hÉireann. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.