Seán Mac Réamainn
Ba pholaiteoir Éireannach é Seán Éamonn Mac Réamainn (Béarla: John Edward Redmond) (1 Meán Fómhair, 1856 – 6 Márta, 1918), a bhí ina cheannaire ar an bPáirtí Parlaiminteach na hÉireann idir na blianta 1900 agus a bháis sa bhliain 1918.
Saol[cuir in eagar | athraigh foinse]
Saolaíodh Redmond i gContae Loch Garman. Ba theachtaí iad a athair William Archer Redmond agus a dheartháir William Hoey Kearney Redmond chomh maith.
Chaith Redmond a shaol ag iarraidh Rialtas Dúchais a bhaint amach in Éirinn, ach chuir Éirí Amach na Cásca sa bhliain 1916 agus fás Shinn Féin ina dhiaidh sin deireadh leis an iarracht.
Fiú sna sé chontae is fiche, tugadh an-tacaíocht don rialtas nuair a bhris and Chéad Cogadh Domhanda amach. Ó tharla gur bronnadh rialtas dúchais, cé go mbeadh moill air, mhol Mac Réamainn do gach duine tacú leis an chomhar cogaidh.
Agus é ag tabhairt óráide ag an Droichead Adhmaid, Co. Chill Mhantáin, ar an 20 Meán Fómhair 1914, d'impigh Mac Réamainn ar na hÓglaigh liostáil le hArm na Breataine agus dul ag troid ar an Mór-Roinn.[1] D'iarr sé orthu sin a bhí i láthair a bheith fearúil agus an fód a sheasamh[2][3] ː
“Gabhaigí chuig cibé áit a bhfuil an líne thosaigh, leis an cheart, an tsaoirse agus an creideamh a chosaint sa chogadh seo. ”Bheadh a mhalairt d’iompar ina ábhar náire dár dtír go deo.”[4]
Chruthaigh tacaíocht Redmond don chogadh scoilt i ngluaiseacht na n-Óglach. Thaobhaigh tromlach na mball leis, agus thug siad na "hÓglaigh Náisiúnta" orthu féin. Choinnigh na baill a d’fhan sa bhaile an t-ainm Óglaigh na hÉireann agus bheadh ról tábhachtach acu in Éirí Amach na Cásca in 1916.
Bhí Mac Réamainn ag iarraidh go mbeadh na reisimintí Éireannacha go léir eagraithe in aon aonad troda amháin. Níos déanaí, mhaigh John Redmond go mbeadh na hÓglaigh réidh le hÉirinn a chosaint. Ní raibh múinín ag an railtas níos mó as, agus go háirithe saighdiúirí mar Kitchener.
Tagairtí[cuir in eagar | athraigh foinse]
- ↑ "War, Rebellion and Redmond | Century Ireland". www.rte.ie. Dáta rochtana: 2020-09-20.
- ↑ “not only in Ireland itself, but wherever the firing line extends, in defence of right, of freedom and religion in this war”
- ↑ Department of Foreign Affairs. "Leacht Cuimhneacháin ar an gCéad Chogadh Domhanda Nochta ag an Aire - Department of Foreign Affairs" (en). www.dfa.ie. Dáta rochtana: 2020-09-20.
- ↑ BBC. "Woodenbridge, Co Wicklow: Redmond Urges Irishmen To Fight". www.bbc.co.uk. Dáta rochtana: 2020-09-20.
 |
Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |