Pádraig Mac Fhearghusa
 (2024)  | |
| Beathaisnéis | |
|---|---|
| Breith | 1947 76/77 bliana d'aois |
| Gníomhaíocht | |
| Gairm | file |
| Teangacha | An Ghaeilge |
Rugadh Pádraig Mac Fhearghusa i mBaile Átha Fínín in iarthar Chontae Chorcaí sa bhliain 1947. File nótáilte agus gníomhaí Gaeilge is ea é.
D'fhreastail sé ar Choláiste Bhréanainn i gCill Airne agus ansin ar Choláiste Phádraig i nDroim Conrach, mar ar cháiligh sé mar oide bunscoile. Bhain sé amach céim BA sa Choláiste Ollscoile, Baile Átha Cliath, sa bhliain 1970 i nGaeilge, i Stair agus i bhFealsúnacht. Sa bhliain 1971 rinne sé an tArd-Teastas san Oideachas i gColáiste na Tríonóide. Ba bhunmhúinteoir é go dtí an bhliain 1975, agus d’aistrigh sé ansin go dtí Meánscoil an Leith-Triúigh i gContae Chiarraí.
Bhunaigh sé Scoil Lán-Ghaeilge Mhic Easmainn i dTrá Lí sa bhliain 1978, agus bhí lámh aige i mbunú trí Ghaelscoil eile. Chuidigh sé le Ghaelcholáiste Chiarraí a bhunú, agus ba é cathaoirleach an choláiste.
Bhí sé ina Uachtarán Chonradh na Gaeilge: atoghadh é sa bhliain 2010 agus sa bhliain 2024.
Saothar
[cuir in eagar | athraigh foinse]Bailiúcháin filíochta agus eile atá foilsithe aige:
- Faoi Léigear (Baile Átha Cliath, An Clóchomhar Tta.,1980)
- Mearcair (Baile Átha Cliath, Coiscéim), díolaim a bhain Duais Náisiúnta na Filíochta ag Oireachtas na Gaeilge sa bhliain 1996
- An Dara Bás (Coiscéim, 2002), díolaim a bhain Duais Náisiúnta na Filíochta ag Oireachtas na Gaeilge sa bhliain 2002
- Tóraíocht an Mhíshonais, tús eolais ar shaothar Freud agus Jung (Coiscéim, 1997).
Is é an t-eagarthóir é ar mhíosachán liteartha Feasta.
Cuireadh dhá dhán dá chuid, 'An Teaghlach Naofa agus Naomh Eoin i dTírdhreach' agus 'Eibhlinn', isteach i dTaisce Aithris Filíochta na hÉireann.
Naisc Sheachtracha
[cuir in eagar | athraigh foinse]- Irish writers online Curtha i gcartlann 2008-07-25 ar an Wayback Machine
- Feasta Curtha i gcartlann 2010-09-21 ar an Wayback Machine