Oasis

Oasis

(2005)
Ainmnithe in ómós	Oasis Leisure Centre (en)
Sonraí
Cineál	racbhanna
Stair
Téann in áit	The Rain
Dáta a bunaíodh	1991, Manchain
Gníomhaíocht
Tréimhse oibre	1991 –  2009
Lipéad ceoil	Creation Records Sony Music Big Brother Columbia Records Epic Reprise Records
Seánra	Rac malartach, rac indie, Breat-pop agus pop indie
Faoi thionchar	The Beatles, The Rolling Stones, The Who agus The Kinks
Codanna	Chris Sharrock Gem Archer Alan White Paul "Bonehead" Arthurs Paul "Guigsy" McGuigan Noel Gallagher, Lead guitarist (en) (1991–2009) Tony McCarroll, Drumadóir (1991–1995) Liam Gallagher, Ceol gutha (1991–2009) Andy Bell, Dordóir (1999–2009)
Eile
Gradam a fuarthas (1997)  MTV Europe Music Award for Best Rock (en) (1996)  MTV Europe Music Award for Best Group (en) (1995)  Brit Award for British Breakthrough Act (en)
Suíomh gréasáin	oasisinet.com

Rac-bhanna Sasanach ba ea Oasis, a cuireadh ar bun i Manchain sa bhliain 1991. D'fhás Oasis amach ó ghrúpa a bhí ann níos luaithe, The Rain, bhí Lia Gallagher (fonnadóireacht, tambóirín agus maracai), Paul "Bonehead" Arthurs (giotár), Paul "Guigsy" McGuigan (dordghiotár) agus Tony McCarroll (drumaí agus cnagadh) sa bhanna ón tús.

Chuaigh deartháir níos sine Liam, Noel Gallagher (giotár luaidhe agus príomhchumadóir amhrán) mar an chúigiú ball, agus bhí sin mar foireann an mbanna go dtí Aibreán 1995.

Liam agus Noel, San Diego 2005

2009 - Oasis & Friends (Sunderland)

2009 - Oasis & Friends (Sunderland)

Stair

Sínigh Oasis leis an lipéad ceol neamhspleách, Creation Records i 1993 agus scaoil siad a chéad albam, Definitely Maybe, a sháraigh curiarrachtaí i 1994.

Tá inspioráid tógtha ag Oasis ó a lán de na bannaí Sasanacha a bhain cáil amach sna 1960idí, mar shampla The Beatles, The Who, The Kinks agus The Rolling Stones. Chomh maith le sin, bhí tionchar mór ag bannaí eile as Manchain orthu freisin, mar shampla The Smiths agus The Stone Roses.

Bhí Oasis ar cheann de na bannaí is mó ar ar dtugtaí Britpop i lár na 1990idí, in éineacht le Blur, Pulp, Elastica, Cast agus roinnt bannaí eile. Bhí coimhlint cháiliúil sna meáin agus sna cairteacha idir iadsan agus Blur, na bannaí ba mhó ag an am.

2009-2023

I mí Lúnasa 2009, dúirt Noel Gallagher go raibh sé ag éirí as an banna de bharr coimhlintí le Liam, agus bhunaigh sé Noel Gallagher's High Flying Birds. Tá tri albam agus E.P. eisithe acu.

Athainmnigh Liam, agus baill eile as Oasis, an banna mar "Beady Eye". Díscaoileadh Beady Eye sa bhliain 2014, tar éis dhá albam.

2024

Ar an 27/08/2024, bhí sé fógartha ag Liam agus Noel Gallagher go bhfuil Oasis ag teacht ar ais le chéile chun roinnt gigeanna a dhéanamh – agus dhá cheann i bPáirc an Chrócaigh in 2025. Ach níorbh fhada gur iompaigh an lucht leanúna ar na meáin shóisialta agus ardáin eile chun frustrachas faoin bpróiseas díolacháin a chur in iúl, go háirithe na praghsanna arda a bhí á lorg do chuid de na ticéid do sheónna Pháirc an Chrócaigh.

Chuir an CCPC, an Coimisiún um Iomaíocht agus Cosaint Tomhaltóirí, imscrúdú ar bun faoi dhíol na dticéad do cheolchoirm Oasis ag Ticketmaster. Dúirt an Coimisiún go raibh níos mó ná 100 gearán faighte acu faoi dhíol na dticéad agus tar éis na ngearán sin a athbhreithniú gur cuireadh an t-imscrúdú ar bun.

Dioscliosta

Albaim stiúideo

1. Definitely Maybe (1994)
2. (What's The Story) Morning Glory? (1995)
3. Be Here Now (1997)
4. Standing On The Shoulder Of Giants (2000)
5. Heathen Chemistry (2002)
6. Don't Believe The Truth (2005)
7. Dig Out Your Soul (2008)

Albam Beo

Familiar to Millions (2000)

I.B

Stop the Clocks (2006)

Albaim díolama

1. Definitely Maybe: The Singles (1996)

2. (What's the Story) Morning Glory?: The Singles (1996)

3. The Masterplan (Diolaim taobh-B) (1998)

4. Stop the Clocks (2006)

5. Time Flies... 1994-2009 (2010)