Maximilien Robespierre

Maximilien Robespierre

Ainm sa teanga dhúchais	(fr) Maximilien de Robespierre (Español)
Beathaisnéis
Breith	6 Bealtaine 1758 Arras, An Fhrainc
Bás	28 Iúil 1794 36 bliana d'aois Páras, An Fhrainc
Siocair bháis	Pionós an bháis (Dícheannadh)
Áit adhlactha	Errancis Cemetery (en) Catacómaí Pháras
45 Uachtarán na Comhdhála Náisiúnta
4 Meitheamh 1794 – 19 Meitheamh 1794 ← Claude Antoine, comte Prieur-Duvernois – Élie Lacoste →
26 Uachtarán na Comhdhála Náisiúnta
22 Lúnasa 1793 – 5 Meán Fómhair 1793 ← Marie-Jean Hérault de Séchelles (en) – Jacques-Nicolas Billaud-Varenne (en)  →
Ball de Thionól Náisiúnta na Fraince
Faisnéis phearsanta
Reiligiún	Dias
Scoil a d'fhreastail sé/sí	Lycée Louis-le-Grand - dlí (1769–1781)
Teanga dhúchais	an Fhraincis
Gníomhaíocht
Suíomh oibre	Páras
Gairm	polaiteoir, iriseoir, dlíodóir, réabhlóidí
Ball de pháirtí polaitíochta	Club na Seacóibíneach
Faoi thionchar	Jean-Jacques Rousseau
Teangacha	An Fhraincis agus an Iodáilis
Ghlac sé/sí páirt i
5 Bealtaine 1789	Réabhlóid na Fraince
Saothar
Suíomh a chartlainne	Cartlann Náisiúnta na Fraince [ 683AP]
Eile
Athair	François de Robespierre
Siblín	Augustin Robespierre agus Charlotte de Robespierre
Ciontaíodh i	dúnbhású
Gradam a fuarthas  Concours général
Síniú

Duine de na ceannairí ba thábhachtaí i Réabhlóid na Fraince a bhí i Maximilien François Marie Isidore de Robespierre (6 Bealtaine 1758 – 28 Iúil 1794).

Bhí sé ina bhall de Choiste na Slándála Poiblí agus ghlac sé páirt lárnach sa chuid den réabhlóid ar a tugtar Ré an Uafáis, go dtí gur gabhadh agus cuireadh chun báis é sa bhliain 1794.

Ceannaire dian agus cruálach ab ea é, ach neamh-éillitheach ag an am céanna, rud a thuill an leasainm "Robespierre Dochlaonta" dó.

Saol

Bhítí ag maíomh gur de bhunadh na hÉireann é ach dealraíonn sé nach bhfuil aon bhunús leis an ráiteas sin.

Thosaigh Robespierre ar an mbealach chuig an gcumhacht agus é ina abhcóide nuacháilithe, nuair a bhí sé ag obair ar son na gcliant bocht a bhí aige ina bhaile dúchais, Arras. Bhí sé ina ionchúisitheoir agus ina bhreitheamh le linn dó páirt a ghlacadh sa pholaitíocht idir 1789 agus 1794.

Bhí sé thíos seal, thuas seal ó thaobh na polaitíochta de, ag brath ar thionchar na Seacaibíneach ag an am. Bhí sé i mbarr a chumhachta mar bhall de Choiste na Slándála Poiblí idir Iúil 1793 agus Iúil 1794.

Is é Robespierre a bhain úsáid den chéad uair as an mana "Saoirse, Comhionannas, Bráithreachas!" in óráid a thug sé i mí Meán Fómhair 1790.

Bású

Ar an 28 Iúil 1794 a dícheannadh gan triail é, i bPáras, i gCearnóg na Réabhlóide, lá tar éis don Chomhdháil Náisiúnta é a shéanadh, in éineacht le ceannairí eile de Choiste na Slándála Poiblí, mar fhreagairt ar Ré an Uafáis a chuir siad i gcion ar an bPoblacht ó mhí Meán Fómhair na bliana roimhe sin.