Maratón Átha Cliath

Maratón Átha Cliath
	53° 20′ 59″ N, 6° 15′ 37″ O / 53.3497°N,6.2603°W
Cineál	maratón ; imeacht spóirt féiltiúil
Bailíocht	1980 -
Suíomh	Baile Átha Cliath, Éire
Tír	Éire
Spórt	lúthchleasaíocht

Maratón bliantúil a ritear i mBaile Átha Cliath is ea Maratón Átha Cliath. De ghnáth, tionóltar é ar an Luan deireanach de mhí Dheireadh Fómhair (is lá saoire é in Éirinn) cé gur tionóladh an maratón an lá roimhe sin sa bhliain 2015.

Leanann an maratón bealach atá réasúnta mín. Tosnaíonn na reathaithe ag Cearnóg Mhic Liam, i lár na cathrach, agus críochnaíonn siad i gCearnóg Mhuirfean. Ní athraítear cúrsa an mharatóin ach beagáinín ó bhliain go bliain. Le tamall de bhlianta anois, téann an rás i dtreo tuathalach timpeall na cathrach, píosa de trí Pháirc an Fhionnuisce.

Stair

Noel Carroll, fear gnó, a chuir an chéad mharatón ar bun sa bhliain 1980.

Sa bhliain 2007 ghlac timpeall is 11,000 duine páirt ann, a leath díobh ó thíortha eile.

Sa bhliain 2015, ba é Alemu Gemuchu, ón Aetóip, a bhuaigh rás na bhfear. 2:14:02 an t-am a bhí aige. Ba í Nataliya Lehonkova, ón Úcráin, a bhuaigh i measc na mban agus 2:31:09 aicise.

Cuireadh maratón na bliana 2020 ar cheal de bharr na ráige COVID-19.^[1]

Féach freisin

Naisc sheachtracha

Suíomh oifigiúil Mharatón Bhaile Átha Cliath.^[2]

Tagairtí

↑ Nuacht RTÉ (2020-05-19). "Maratón Bhaile Átha Cliath curtha ar ceal" (as ga).
↑ "KBC Dublin Marathon" (en). KBC Dublin Marathon 2021. Dáta rochtana: 2021-04-19.

[1] Nuacht RTÉ (2020-05-19). "Maratón Bhaile Átha Cliath curtha ar ceal" (as ga).

[2] "KBC Dublin Marathon" (en). KBC Dublin Marathon 2021. Dáta rochtana: 2021-04-19.

[1]

[2]