Maes Howe

Ón Vicipéid, an chiclipéid shaor.

Tuama seomrach ón 3ú mílaois RC ar Thìr Mòr Arcaibh na hAlban. Cosúil ar shlí le Sí an Bhrú i gContae na Mí. Faoi thulach 35 m ar thrastomhas, tá an bealach isteach, le ballaí cloch tirim, 7.3 m ar fhad. Tá seomra adhlactha croischruthach le boghta coirbéalta os a chionn, agus os cionn leac an dorais sliotán a ligeann solas na Gréine isteach is an Ghrian ag dul faoi ar lá ghrianstad an gheimhridh. Istigh ann tá 24 scríbhinn rúnach, graifítí a scríobh creachairí Uiginneacha sa 12ú céad AD.