Leabhar Breac (foilsitheoir)

Darach Ó Scolaí ag 'Oireachtas na Gaeilge 2015', agus 'Oileán an Órchiste' ina lámh aige, aistriúchán agus oiriúnú a rinne sé ar 'Treasure Island' le Robert Louis Stevenson

Leabhar Breac

Sonraí
Cineál	foilsitheoir
Stair
Dáta a bunaíodh	1994
Bunaitheoir(í)	Darach Ó Scolaí
Rialachas corparáideach
Ceanncheathrú	Indreabhán, Éire
Suíomh gréasáin	http://www.leabharbreac.com/

Comhlacht foilsitheoireachta Éireannach is ea Leabhar Breac. Bhunaigh Darach Ó Scolaí agus Caomhán Ó Scolaí an comhlacht sa bhliain 1994.

Ba é an t-úrscéal An Dochtúir Áthas le Liam Mac Cóil an chéad leabhar a d'fhoilsigh siad, agus ó shin tá leabhair uile Liam Mhic Cóil foilsithe acu mar aon le mórchuid leabhar eile.

Ón mbliain 2001 is é Darach Ó Scolaí atá i mbun stiúrtha an chomhlachta atá lonnaithe i gClochar na Locha in Indreabhán i nGaeltacht Chois Fharraige.

Fontenoy le Liam Mac Cóil, a bhuaigh Gradam Uí Shúilleabháin 2006

Ar na leabhair eile a foilsíodh le Leabhar Breac, tá

• Fontenoy le Liam Mac Cóil, a bhuaigh Gradam Uí Shúilleabháin 2006,
• Hula Hul le Seán Mac Mathúna, agus
• An Cléireach le Darach Ó Scolaí a bhuaigh Duais an Oireachtais 2007.

Naisc sheachtracha

• LeabharBreac.com Curtha i gcartlann 2007-12-09 ar an Wayback Machine