Hilo, Haváí

Ón Vicipéid, an chiclipéid shaor.
Radhairc ar Hilo

Baile mór in oirthear Oileán Haváí is ea Hilo. Cé nach cathair é go hoifigiúil, is é an baile is mó agus príomhbhaile riaracháin Chontae Haváí. Ta Hilo suite ar Bhá Hilo. Bhí 40,759 duine ina gcónaí ann sa bhliain 2000, agus fuair daonáireamh na bliana 2010 43,263 duine ina gcónaí ann.

Tá crainn banyan i lár an bhaile, cuid díobh curtha ag daoine cáiliúla mar Babe Ruth agus Amelia Earhart.

Ar 1 Aibreán 1946 bhuail súnámaí Hilo agus cailleadh 160 duine. Cuireadh córas rabhaidh ar siúl. Ach ar 23 Bealtaine 1960 fuair 61 duine bás de bharr súnámaí eile. Tréigeadh an talamh is ísle cois an bhá. Tógadh páirceanna agus cuimhneacháin ann ó shin.