Giovanni Boccaccio

Giovanni Boccaccio
	; (1822)
Beathaisnéis
Breith	1313; Certaldo (Poblacht Fhlórans)
Bás	21 Nollaig 1375 ; 61/62 bliana d'aois; Certaldo (Poblacht Fhlórans)
Siocair bháis	Éidéime
Áit adhlactha	Santi Jacopo e Filippo
Teanga dhúchais	an Iodáilis
Gníomhaíocht
Gairm	gearrscéalaí, beathaisnéisí, miotagrafaí, aistritheoir, file, taidhleoir, scríbhneoir
Tréimhse oibre	1323 (Féilire Ghréagóra) – 1373 (Féilire Ghréagóra)
Mac/iníon léinn de chuid	Cino da Pistoia
Mac/iníon léinn	Benvenuto Rambaldi da Imola
Teangacha	An Iodáilis agus an Laidin
Saothar
	Saothar suntasach (1334) La caccia di Diana; (1335) Filostrato; (1339) Teseida; (1343 (Féilire Ghréagóra)) Amorosa visione; (1344) Elegia di Madonna Fiammetta; (1350í) Decamerone; (1360) Genealogia deorum gentilium; (1362) De mulieribus claris; (1365 (Féilire Ghréagóra)) Corbaccio; (1367) Buccolicum carmen; (1373 (Féilire Ghréagóra)) De casibus virorum illustrium; (1373) De montibus; (14 haois) Trattatello in laude di Dante ;

File agus scríbhneoir próis ó ré an Renaissance a bhí in Giovanni Boccaccio, a rugadh i bhFlórans sa bhliain 1313 agus a d'éag in Certaldo nó i bhFlórans ar an 21 Nollaig 1375.

Ba iad na teangacha a chleacht sé ina chuid scríbhinní ná an Laidin agus canúint na Tuscáine, as ar fáisceadh an Iodáilis mar is aithnid dúinn inniu í.

Stíl

Ceannródaí prós-scríbhneoireachta a bhí ann. In áit a bheith ag déanamh aithrise ar fhoirmlí agus ar chnámhscéalta réamhdhéanta, d'oibrigh Boccaccio amach plotaí dá chuid féin, agus bhí craiceann inchreidte ar a chuid carachtar nach bhfacthas a leithéidí eile i litríocht na linne. Ba iad na foirmlí stíl litríochta na Meánaoise, ach ba scríbhneoir nua-aimseartha é Boccaccio.

D’úsáid Boccaccio stíl nua a d’aontaigh eilimintí an romans chuirtéisigh agus eilimintí an fabliau agus freisin rinne sé scigmhagadh ar fhoirmeacha eile meánaoiseacha.^[1] Chuaigh a scríbhneoireacht i gcion ar leithéidí Navarre sa bhFrainc, a scríobh an Heptameron; George Petie sa Bhreatain, agus Cervantes a scríobh Novelas Ejemplares - scéalta gearra briomhara a léirigh suim san aign eolaíocht. Agus gan amhras ar Rabelais, a scríobh Gargantua agus Pantagruel, aor ar institiúidi an ama.

Decamerone

Is é an leabhar is mó cáil dár scríobh Boccaccio ná an Decamerone, bailiúchán gearrscéalta anghrácha, ach bhreac sé síos a lán eile freisin. Is dócha gurb é an Decameron - an chéad saothar próis i dteanga nua-aimseartha - ba mhó a chuaigh i gcion ar scríbhneoirí tar éis na hAthbheochana. Séard a bhí ann ná céad scéal ag déileáil le nádúr an duine agus a staid éidreorach sa saol.

Tagairtí

↑ Máire Ní Ghráda. Miontráchtas M. A. - Ollscoil na hÉireann, 1992: "FANTAISÍOCHT agus AN GEARRSCÉAL COMHAIMSEARTHA". Dáta rochtana: 2023-04-21.

[1] Máire Ní Ghráda. Miontráchtas M. A. - Ollscoil na hÉireann, 1992: "FANTAISÍOCHT agus AN GEARRSCÉAL COMHAIMSEARTHA". Dáta rochtana: 2023-04-21.

[1]