Éidéime

Ón Vicipéid, an chiclipéid shaor.
Jump to navigation Jump to search
éidéim agus athlasadh

Carnadh d'fharasbarr sreabháin cholainne, ar meascáin uisce is salainn iad, taobh istigh d'fhíocháin na colainne is ea Éidéime.

Tarlaíonn éidéime nuair a bhíonn an brú hidreastatach sna fuileadáin, a thiománann amach sna fíocháin iad, níos mó ná an brú osmóiseach, a shúnn ar ais iad.

Tagann domhantarraingt i ngníomh chun na sreabháin a charnadh, go príomha sna cosa. Tarlaíonn sí go coitianta de bharr cliseadh an chroí, na nduán, is an ae.

éidéime scamhógach

I gcliseadh an chroí is na nduán, coimeádann an cholainn uisce is salann, rud a leathnaíonn toirt na fola agus a bhrúnn sreabhán isteach sna fíocháin. I gcliseadh an ae, titeann tiúchan na bpróitéiní sa bhfuil, rud a laghdaíonn brú osmóiseach na fola agus a ligeann don sreabhán fáil amach sna fíocháin.

Tagairtí[cuir in eagar | athraigh foinse]