Fukushima

Ón Vicipéid, an chiclipéid shaor.
IAEA Experts at Fukushima (02813336).jpg

Tharla an tubaiste núicléach is measa riamh do na himoibreoirí Daiichi i Fukushima, in oirthuaisceart oileán Honshu na Seapáine ar an 12 Márta 2011.

Tōhoku[athraigh | athraigh vicithéacs]

Tharla crith talún cumasach, 9.0 ar scála Richter, ar an 11 Márta i Tōhoku (東北地方太平洋沖地震, Tōhoku-chihō Taiheiyō Oki Jishin). Bhí sé faoi ghrinneall an aigéin timpeall 25km amach ón gcósta mar a bhfuil an t-ionad núicléach. Ní dóigh go ndearna an crith talún sin ró-dhochar do na himoibreoirí, ach lean tonn taoide (súnámaí) uafásach é agus milleadh an-chuid de chórais rialaithe na n-imoibreoirí.

Fukushima, 14 Márta 2011

Ní hamháin sin, ach bháigh an súnámaí limistéar leathan tíre, cathracha, bailte agus feirmeacha. Cailleadh níos mó ná 19,000 duine sna tuilte[1], milleadh níos mó ná 80,000 teach, agus bhí ar 400,000 duine teitheadh as an gceantar.

Na himoibreoirí[athraigh | athraigh vicithéacs]

Sé imoibreoir a bhí i gceist: milleadh ceathrar cinn go hiomlán agus an dá cheann eile go holc. I lár thubaiste na dtuilte, cailleadh smacht de réir a chéile ar na himoibreoirí agus na humair fuaraithe don bhreosla ídithe sa stáisiún núicléach. Tharla pléascanna sna humair seo agus i gcuid de na himoibreoirí, agus scaoileadh ábhair radaighníomhacha san aer. Leáigh cuid de na croíleacáin a chuir go mór le déine is troime an sceite.

DOE NNSA, Fukushima, 17 Márta

Iarmhairtí[athraigh | athraigh vicithéacs]

Aslonnaíodh an pobal uile i bhfoisceacht 30km, agus fógraíodh fairsinge 20km timpeall uirthi sin mar theirceantar amach is amach.

Tá drochiarmhairtí fadtréimhseacha ar an tubaiste seo i gcónaí.

Tagairtí[athraigh | athraigh vicithéacs]