Eimear Ní Chonaola
| Beathaisnéis | |
|---|---|
| Breith | 1977 46/47 bliana d'aois an Spidéal, Éire  |
| Faisnéis phearsanta | |
| Scoil a d'fhreastail sé/sí | Ollscoil na Gaillimhe |
| Teanga dhúchais | an Ghaeilge |
| Gníomhaíocht | |
| Gairm | láithreoir teilifíse |
| Teangacha | An Ghaeilge |
 | |
Is iriseoir agus láithreoir teilifíse Éireannach as an Spidéal í Eimear Ní Chonaola (a rugadh in 1977[1]). Ó 2006 i leith, tá Ní Chonaola ina léitheoir nuachta ar Nuacht TG4 agus ar Nuacht RTÉ.
Luathshaol
[cuir in eagar | athraigh foinse]Rugadh Ní Chonaola sa Sián[2] i ngar don Spidéal. Is cainteoir dúchais Gaeilge í, agus bhain sí BA amach in OÉ Gaillimh in 1997, agus Ard-Dioplóma sa Chumarsáid Fheidhmeach in 1998.
Gairm iriseoireachta
[cuir in eagar | athraigh foinse]Bhí Ní Chonaola ina ball d’fhoireann Nuacht TG4 ón tús, agus thosaigh sí ag obair sa seomra nuachta mar iriseoir i mí Dheireadh Fómhair 2000.
Rinne Ní Chonaola cathaoirleacht ar an gcéad díospóireacht toghcháin riamh i nGaeilge ar an 16 Feabhra 2011, nuair a bhí sí ina hóstach ar cheann de na díospóireachtaí oifigiúla de chuid olltoghchán na hÉireann 2011 idir Éanna Ó Coinnigh, Éamon Mac Giollamóir agus Mícheál Martin. Bhreathnaigh thart ar 600,000 duine ar an gclár ar TG4. Tugadh ardmholadh di sna nuachtáin náisiúnta as a cuid oibre mar chathaoirleach ar an díospóireacht, agus bronnadh gradam Pearsa Theilifíse na Bliana uirthi ag Oireachtas na Gaeilge 2011.
Bhí Ní Chonaola ar The Late Late Show ar an 4 Márta 2011, in éineacht le Coman Goggins agus Róisín Ní Chúaláin chun Seachtain na Gaeilge a chur chun cinn.
Mar chuid de Sheachtain na Gaeilge 2012, sheol sí tionscnamh gnó in éineacht le Gaillimh le Gaeilge.
Saol pearsanta
[cuir in eagar | athraigh foinse]Tá mac ag Ní Chonaola darbh ainm Cuan.[3]
Tagairtí
[cuir in eagar | athraigh foinse]- ↑ [1][nasc briste]
- ↑ “Eimear agus an díospóireacht mhór”. Cartlannaíodh an bunleathanach ar 2012-07-22. Dáta rochtana: 2012-04-17.
- ↑ "At home with... Nuacht Newscaster Eimear Ní Chonaola" (2021-01-26). Dáta rochtana: 2024-02-10.