Drong Ghleann Anna
| Sonraí | |
|---|---|
| Cineál | eagraíocht choiriúil  |
| Foirm dlí | |
| Dáta a bunaíodh | 1972 |
| Gníomhaíocht | |
| Ballraíocht | 40 |
Bhí an drong dhílseach, an Drong Ghleann Anna (nó the Glenanne[1] Gang) a ghníomhaigh as teach feirme i nGleann Anna i gContae Ard Mhacha, freagrach as breis is céad dúnmharú sna 1970idí agus 80idí. Bhí baill den UDR (reisimint logánta d’Arm na Breataine) agus comhaltaí den RUC i gcomhghuaillíocht leis an UVF i lár Uladh gníomhach san drong.[2]
Imeachtaí[cuir in eagar | athraigh foinse]
Is i dtriantán an áir nó an ‘murder triangle’ i lár agus tuaisceart Chontae Ard Mhacha agus in oirthear Thír Eoghain a chothaigh an drong sceon i measc Chaitliceach ar feadh deich mbliana. I measc na ndaoine a mharaigh siad bhí baill an Miami Showband, muintir Reavey,[2] agus na scórtha eachtraí eile leis an drong sin a raibh baill de na fórsaí slándála ina measc; “eiseamláir” an chlaonpháirteachais..[3][4][5]
Claonpháirteachas[cuir in eagar | athraigh foinse]
Thar na mblianta, mhúscail an fhianaise faoi chlaonpháirteachas ceisteanna dlisteanacha faoi ról an stáit.[2] Faoi lár na seachtóidí, cuireadh i leith an Ghrúpa Speisialta Patróil, aonad frithsceimhlitheoireachta de chuid Chonstáblacht Ríoga Uladh, go raibh siad páirteach i sraith de dhúnmharuithe seicteacha a rinneadh i lár Uladh, ar nós dhúnmharuithe Reavey agus O'Dowd sa bhliain 1976.
Ciontaíodh beirt bhall de chuid an Ghrúpa Speisialta, John Weir agus Billy McCaughey, sa bhliain 1980 i ndúnmharú a rinneadh trí bliana roimhe sin, in ionsaí ar theach tábhairne i gCéideadh, agus i bhfuadach sagairt. Tharraing siad amhras ar a gcuid comhoibritheoirí in aon dúnmharú déag ar a laghad, agus iad ag áitiú gur cuid iad de chomhcheilg fhorleathan a raibh Brainse Speisialta Chonstáblacht Ríoga Uladh, seirbhísí faisnéise Arm na Breataine, agus Fórsa Óglaigh Uladh páirteach inti.
Nuair a bhí na fir seo daortha, cuireadh deireadh leis an nGrúpa Speisialta Patróil. Thug Lárionad Pat Finucane, aturnae Náisiúnaíoch, le fios go raibh an drong a raibh Weir agus McCaughey ag tagairt di, agus í comhdhéanta as saighdiúirí Briotanacha, saighdiúirí dubha agus paraimíleataigh Phrotastúnacha, - go raibh an drong seo freagrach as seacht ndúnmharú is ceithre scór sna seachtóidí.
Féach freisin[cuir in eagar | athraigh foinse]
- Sléacht Annie's Bar
- Buamálacha Bhaile Átha Cliath agus Mhuineacháin
- Sléacht Thulaigh Álainn (1975)
- Ionsaithe ar Donnelly's Bar agus Kay's Tavern (1975)
- Dúnmharú an Miami Showband (1975)
- Ráig foréigin de chuid an UVF (Deireadh Fómhair 1975)
- Maruithe Reavey agus O'Dowd
- Stakeknife
Tagairtí[cuir in eagar | athraigh foinse]
- ↑ Is botúin iad Glenane agus Glennane
- ↑ 2.0 2.1 2.2 Póilín Ní Chiaráin (2 Lúnasa 2017). "An ‘Glenanne Gang’ agus an claonpháirteachas – an choir nach féidir a scuabadh ar shiúl" (ga-IE). Tuairisc.ie. Dáta rochtana: 2023-02-11.
- ↑ Póilín Ní Chiaráin (19 Samhain 2017). "Gealladh ‘No Stone Unturned’, ach tá an Tuaisceart faoi gheis ag uafáis i gcónaí" (ga-IE). Tuairisc.ie. Dáta rochtana: 2023-02-11.
- ↑ Póilín Ní Chiaráin (26 Meán Fómhair 2021). "An bhfuil Boris Johnson agus Brandon Lewis ag éisteacht ar chor ar bith?" (ga-IE). Tuairisc.ie. Dáta rochtana: 2023-02-11.
- ↑ Youtube (Clár faisnéis). "'No Stone Unturned' - Trailer" (as en).