Cló Mhaigh Eo

Cló Mhaigh Eo

Sonraí
Cineál	foilsitheoir
Réimse oibre	Litríocht na Gaeilge
Rialachas corparáideach
Ceanncheathrú	Clár Chlainne Mhuiris, Éire
Suíomh gréasáin	leabhar.com

Conchubhar Mac Neasea - Mac Fhionnlaoich

Comhlacht foilsitheoireachta Éireannach as Clár Chlainne Mhuiris, Mhaigh Eo is ea Cló Mhaigh Eo a fhoilsíonn leabhair Ghaeilge. Colmán Ó Raghallaigh agus a bhean a bhunaigh é.

Foilsíonn Cló Mhaigh Eo leabhair Ghaeilge do pháistí agus do dhaoine óga, agus úrscéalta grafacha i nGaeilge. Tá Colmán Ó Raghallaigh ina stiúrthóir ón mbliain 1995 agus is múinteoir é féin agus a bhean.

Foilsíonn an comhlacht idir ceithre agus sé leabhar chuile bhliain is faigheann an comhlacht tacaíocht ó Bhord na Leabhar Gaeilge.

Gaiscí

D'fhoilsigh Cló Mhaigh Eo an chéad leabhar do pháistí i mBéarla nó i nGaeilge as Éirinn a raibh dlúthdhiosca inléite do-athraithe leis.

D’fhoilsigh Cló Mhaigh Eo an chéad úrscéal grafach Éireannach, An Sclábhaí. Seo an chéad cheann de shraith shamhlaíoch ar stair agus ar mhiotaseolaíocht na hÉireann. Moltar an comhlacht as ardchaighdeán ealaíne agus dearaidh sna leabhair.

Ruairí

Tá carachtar dúchasach Gaeilge curtha i mbéal an phobail acu, is é sin Ruairí, agus tá breis agus 5,500 cóip de Drochlá Ruairí díolta idir an leabhar clóite agus an leagan leictreonach a cuireadh amach le Fios Feasa. Tá breis agus 5,000 de na leabhair eile faoi Ruairí díolta freisin, an ceann nua, Ruairí san Ospidéal, san áireamh.

Leabhair atá foilsithe

• An Sclábhaí (2001)
• An Teachtaire (2003), maisithe ag Tomm Moore, a rianaíonn scéal Naomh Pádraig.
• An Tóraíocht (2002), maisithe ag Paul Young. Scéal faoi Ghráinne, Fhionn mac Cumhaill, agus Dhiarmaid.
• An Táin (2006), maisithe ag Barry Reynolds, ina ndéanann Méabh Chonnacht ionradh ar Uladh leis an tarbh Donn Cuailnge a ghoid, agus Cú Chulainn ina coinne.
• Deirdre agus Mic Uisnigh (2008), maisithe ag Barry Reynolds.

Naisc Sheachtracha

Tá suíomh gréasáin Cló Mhaigh Eo le fáil ag: www.leabhar.com