Caife Gaelach

Ón Vicipéid, an chiclipéid shaor.
Jump to navigation Jump to search
Irish Coffee glass.jpg

Is manglam é Caife Gaelach, le uisce beatha, caife, siúcra agus uachtar.

I dTamhlacht, sa Chaifé Aon Scéal, bíonn An Mocha Coinníollach ar an mbiachlár.[1]

Irish Coffee.jpg

Oideas[cuir in eagar | athraigh foinse]

Conas caife Gaelach a dhéanamh?[2]

Comhábhairː 25ml Uisce Beatha na hÉireann; spúnóg bhoird siúcra; uachtar agus espresso dúbailte te le braon beag uisce te leis an ghloine a líonadh

1. Tóg gloiní téite caife agus cuir isteach an t-uisce beatha

2. Cuir an siúcra isteach le tuaslagadh san uisce beatha

3. Cuir isteach an caife agus corraigh go maith.

4. Buail an t-uachtar go héadrom ach déan cinnte gur féidir é a dhoirteadh.

5. Déantar an t-uachtar buailte a dhoirteadh go cúramach thar droim spúnóige a choinnítear ar dtús díreach os cionn dromchla an chaife agus a ardaitear go réidh agus tú ag doirteadh, is ceart don uachtar snámh ar barr.

6. Dáil agus bain taitneamh as an deoch

Irish coffee (Nice).jpg

Stair[cuir in eagar | athraigh foinse]

D'fhás an aerthrácht trasatlantach sna 1930idí[3] agus le linn an chogaidh agus ba é iar-chósta na hÉireann an áit Eorpach ba chóngaraí do Mheiriceá Thuaidh. Thuirling na báid eitilte idir Sasana agus SAM i bhFaing. Chum cócaire i gcalafort Fhainge, Contae Luimnigh, an chéad oideas do chaife Gaelach. Bhíodh eitleáin ag tuirlingt i gcalafort Fhainge le líonadh le breosla roimh dhul trasna an Atlantaigh ón Eoraip (níos déana, tógadh Aerfort Idirnáisiúnta na Sionainne ina áit). Theastaigh ó Sheosamh Ó Sireadáin (Joseph Sheridan), an cócaire a bhí i gceist, na paisinéirí a choinneáil te agus an breosla á chur san eitleán. Cumadh an caife Gaelach nuair a thuirling scata paisinéirí ó bhád aeir de chuid Pan Am tráthnóna fuar geimhridh sa bhliain 1942, 1943[4] nó 1944[5]. Chuir Sheridan uisce beatha sa chaife leis na paisinéirí a théamh.

Bhí Caife Gaelach le fáil don chéad uair sna Stáit Aontaithe, is cosúil, ar 10 Samhain 1952 sa Buena Vista Café[6], i Fisherman's Wharf, San Francisco[7].

Tagairtí[cuir in eagar | athraigh foinse]

  1. "Caifé Gaelach set to create new cultural hub in village" (en-gb). www.echo.ie. Dáta rochtana: 2020-11-10.
  2. goodfoodireland.ie. "Caife Gaelach" (ga). www.goodfoodireland.ie. Dáta rochtana: 2020-11-10.
  3. "The Flying Boats of Foynes". History Ireland (2013-02-11). Dáta rochtana: 2020-11-10.
  4. "Foynes Flying Boat Museum". web.archive.org (2011-01-22). Dáta rochtana: 2020-11-10.
  5. Cheryl Charming (2018-11-15). "The Cocktail Companion: A Guide to Cocktail History, Culture, Trivia and Favorite Drinks" (in en). Mango Media Inc.. 
  6. "Buena Vista Cafe" (in en) (2020-10-19). Wikipedia. 
  7. "Fisherman's Wharf, San Francisco" (in en) (2020-06-23). Wikipedia.