Antoine Lavoisier

Ón Vicipéid, an chiclipéid shaor.
Antoine Lavoisier
David - Portrait of Monsieur Lavoisier (cropped).jpg
fermier général (en) Aistrigh

1770 - 1774
Saol
Eolas breithePáras, 26 Lúnasa 1743
NáisiúntachtRíocht na Fraince
An Chéad Phoblacht Fhrancach
BásPlace de la Concorde, 8 Bealtaine 1794
Áit adhlacthaErrancis C (en) Aistrigh
Cúis bháispionós an bháis (dícheannadh)
Muintir
AthairJean-Antoine de Lavoisier
MáthairEmilie Punctis
Céile/CéilíMary-Anne Paulze Lavoisier (en) Aistrigh  (1771 -  Bealtaine 8, 1794)
Oideachas
Alma materParis Law Faculty (en) Aistrigh
(1761 - 1764) licence (en) Aistrigh, licentiate degree in law (en) Aistrigh
Mic léinn dochtúireachtaJean-Antoine Chaptal (en) Aistrigh
Antoine François, comte de Fourcroy
Jean Noël Hallé (en) Aistrigh
Claude-Louis Mathieu (en) Aistrigh
Claude Louis Berthollet
Teangachaan Fhraincis
MúinteoiríJean-Étienne Guettard
Nicolas Louis de Lacaille
Jean-Antoine Nollet
Gairm
Gairmceimiceoir, eacnamaí, bitheolaí, fisiceoir, acadóir, dlíodóir, réalteolaí, scríbhneoir agus riarthóir
Áit oibrerue Bassompierre
FostóiríFerme générale (en) Aistrigh  (1768 -
Saothar iomráiteachTraité élémentaire de chimie
Méthode de nomenclature chimique (en) Aistrigh
Dlí Imchoimeád na Maise
Duaiseanna
Daoine le tionchar air/uirthiGuillaume-François Rouelle
BallraíochtAn Cumann Ríoga
Société Philomathique de Paris
Acadamh na nEolaíochtaí
Paris Bar Association (en) Aistrigh
Cumann Meiriceánach na Fealsúnachta
Accademia Nazionale delle Scienze detta dei XL
Cleamhnú
ReiligiúinEaglais Chaitliceach Rómhánach
Antoine Lavoisier Signature.svg agus Signature Lavoisier.png

Ba é Antoine-Laurent de Lavoisier (26 Lúnasa, 17438 Bealtaine, 1794), athair na ceimice nua-aimseartha. Ba d'uasalaicme na Fraince é agus sa bhreis ar an gceimic bhain sé clú amach i gcúrsaí airgeadais, i mbitheolaíocht agus i gcúrsaí eacnamaíochta chomh maith.

Ba é an chéad duine a chuir chun chinn Dlí Imchoimeád na Maise (.i. ní théann ceal i mais agus ní chruthaítear mais nua i bpróisis fisiceacha ná ceimiceacha). D'aithin sé agus d'ainmnigh sé ocsaigin (1778) agus hidrigin (1783). Dhíchruthaigh sé teoiric an fhlógastóin. Thionscain sé an córas méadrach, scríobh sé síos an chéad liosta fairsing dúl agus d'athleasaigh sé ainmníocht cheimiceach.

Bhí sé in ann a rá go raibh a leithéid de dhúil agus sileacan ann sula raibh sé aonraithe ag aon cheimiceoir, agus bhí sé ar an gcéad duine ar tuigeadh dó gur dúil cheimiceach, seachas comhdhúil, a bhí sa sulfar.

Ós fear uasal a bhí ann, bhí sé ina bhall dá lán comhairlí agus comhthionól a bhí ag na huaisle san Fhrainc, agus ba é ba thoradh dó seo nach raibh aon dea-chinniúint i ndán dó nuair a tháinig Muirthéacht na Fraince. Thar aon rud eile bhí baint aige leis an bhFerme générale, sórt údarás leathoifigiúil a bhí ag gearradh cánach agus táillí custaim beag beann ar aon chumhacht os a chionn, agus na baill ag éirí saibhir ar na cánacha mar sin. Bhí fuacht na ndaol ag na réabhlóidithe ar an bhFerme générale, agus ní ábhar iontais é go ndeachaigh Lavoisier faoi scian an ghilitín sa deireadh.

A Shaol[cuir in eagar | athraigh foinse]

Rugadh Antoine-Laurent de Lavoisier do theaghlach saibhir i bPáras ar an 26ú lá de Mhí Lúnasa sa bhliain 1743. Bhí a athair ina aturnae i bParlaimint Pháras, agus fuair sé slám maith airgid mar oidhreacht nuair a fuair a mháthair bás cúig bliana i ndiaidh bhreith a mic. Ní raibh sé ach aon bhliain déag d'aois nuair a thosaigh sé ag foghlaim scoile i gCollège des Quatre Nations (nó Coláiste Mazarin) in Ollscoil Pháras. Chuir sé suim san eolaíocht i rith an dá bhliain dheireanacha a chaith sé ag freastal ar an scoil sin, agus ansin rinne sé staidéar ar an gceimic, an luibheolaíocht, an réalteolaíocht agus an mhatamaitic. Ba é an teagascóir fealsúnachta a bhí aige ná Nicolas Louis de Lacaille, matamaiticeoir agus réalteolaí breathnaitheach a tharraing súil an dalta ar chúrsaí na haimsire agus ar an meitéareolaíocht. Chuir Lavoisier an-suim sa mheitéareolaíocht go lá a bháis.

Chaith Lavoisier seal ag staidéar dlí freisin agus bhain sé amach dintiúirí an dlíodóra sa bhliain 1764, cé nár chleacht sé ceird an dlíodóra riamh. Lean sé leis ag foghlaim eolaíochta mar chaitheamh aimsire.