An tAfra-Thodhchaíochas

Octavia E. Butler

Is gluaiseacht liteartha agus ealaíne é an tAfra-Thodhchaíochas "ina bpléitear diaspóra mhuintir na hAfraice i gcomhthéacs na teicneolaíochta trí fhicsean amhantrach – athinsint staire, fantaise agus ficsean eolaíochta."

I measc na ndaoine a luaitear mar cheannródaithe ghluaiseacht an Afra-Thodhchaíochais tá "Janelle Monáe i réimse an cheoil, Octavia E. Butler i réimse na scríbhneoireachta, Jean-Michel Basquiat agus Ellen Gallagher i réimse na healaíne"

Stair

Run Ra

Téann fréamhacha na gluaiseachta siar fada go leor, ó "Sun Ra, seinnteoir snagcheoil a bhí ag seinm ó na 1950í go dtí na 1990í go Janelle Monáe sa lá atá inniu ann. Chruthaigh Sun Ra cineál de phearsa idir-réaltach dó féin, pearsa a bhí ar aon dul leis an cheol turgnamhach aisteach a bhí á sheinm ag a bhanna cheoil." Ar oidhrí eile dá chuid siúd sa lá atá inniu ann d'fhéadfaí a lua "George Clinton agus Parliament-Funkadelic, Kool Keith agus FKA Twigs i measc neart ceoltóirí eile."

Tugann an comhthéacs leithleach deis don ealaíontóir "smaointí faoi dhiaspóra, chultúr agus chiníochas, i measc go leor eile, a chur chun cinn ar dhóigh úr."

Luaitear mar ghné atá "suimiúil ann féin" an tAfra-Thodhchaíochas den scannán mór le rá Meiriceánach Black Panther ina gcónaíonn "pobal Wakanda fé phlús, timpeallaithe ag spáslonga agus teicneolaíocht an todhchaí, i bhfolach ón domhain mór [...] agus is acusan atá an teicneolaíocht is déanaí ar féidir léi an domhan (agus na daoine geala “sean-nósacha”) a shábháil."

Tá an tAfra-Thodhchaíochas ar cheann de réimsí taighde an ealaíontóra scannáin Kapwani Kiwanga, arbh í ealaíontóir cónaithe í i mBaile Uí Bheoláin i rith Fhéile Inis Cealtra 2013.

Tá an focal féin in úsáid ó 2013 i leith, ar a dhéanaí.