An Gairdín Cuimhneacháin

An Gairdín Cuimhneacháin
Sonraí
Cineál	Cuimhneachán
Foirgníocht	1966
Suíomh geografach
Limistéar riaracháin	Baile Átha Cliath, Éire
53.35375°N 6.26403°W / 53.35375; -6.26403

Is gairdín cuimhneacháin suite i mBaile Átha Cliath é an Gairdín Cuimhneacháin, i gcuimhne orthu uile siúd a fuair bás ag iarraidh saoirse na hÉireann a bhaint amach.

Uachtarán an lae Éamon de Valera a d'oscail an Gairdín mar chuid de chomóradh leath-chéad Éirí Amach na Cásca sa bhliain 1966. Seasann an Gairdín ar an áit ina mbunaíodh Óglaigh na hÉireann thiar sa bhliain 1913. Ar an láthair chéanna a chaith roinnt de cheannairí an Éirí Amach an oíche deireanach, sular seoladh go Príosún Chill Mhaighneann iad.

Imeachtaí réabhlóideacha

An Gairdín Cuimhneacháin

Déantar comóradh in ómós dóibh a chailleadh mar chuid de:

• Éirí Amach 1798
• Éirí Amach Robert Emmet 1803
• Éirí Amach na nÉireannach Óg
• Éirí Amach na bhFíníní
• Éirí Amach na Cásca
• Cogadh na Saoirse

An Aisling

Sa bhliain 1976, chum an Bleácliathach Liam Mac Uistín píosa filiochta dár teideal an Aisling atá scríofa ar bhallaí an ghairdín.

“

"An Aisling" I ndorchacht an éadóchais rinneadh aisling dúinn. Lasamar solas an dóchais agus níor múchadh é. I bhfásach an lagmhisnigh rinneadh aisling dúinn. Chuireamar crann na crógachta agus tháinig bláth air. I ngeimhreadh na daoirse rinneadh aisling dúinn. Mheileamar sneachta na táimhe agus rith abhainn na hathbheochana as. Chuireamar ár n-aisling ag snámh mar eala ar an abhainn. Rinneadh fírinne den aisling. Rinneadh samhradh den gheimhreadh. Rinneadh saoirse den daoirse agus d'fhágamar agaibhse mar oidhreacht í. A ghlúnta na saoirse cuimhnígí orainne, glúnta na haislinge.

”