Aigéad sulfarach

Ón Vicipéid, an chiclipéid shaor.
Jump to navigation Jump to search
WD Bosca Sonraí Comhdhúil CheimiceachAigéad sulfarach
Svovlsyre.png
Cuir in eagar ar Wikidata
Substaint cheimiceach comhdhúil cheimiceach, mineral acid (en) Aistrigh, aigéad déphrótónach, strong acid (en) Aistrigh, sulfur oxoacid (en) Aistrigh agus aicme eintiteas ceimiceach
Mais mhóilíneach 97.96 Da
Tacsón ina n-aimsítear é
Struchtúr ceimiceach
Foirmle cheimiceach H₂SO₄
Schwefelsäure3.svg
SMILES canónta
Model 2D
OS(O)(=O)=O
InChI Model 3D
Airí
Dlús 1.8302 g/cm³ (a 20 °C, leacht) Cuir in eagar ar Wikidata
Dynamic viscosity (en) Aistrigh 21 mPa s (a 25 °C, 1 atm, leacht) Cuir in eagar ar Wikidata
Comhéifeacht athraonta 1.397 Cuir in eagar ar Wikidata
PKa 1.92 (a 25 °C)
−3 Cuir in eagar ar Wikidata
Móimint leictreach dhépholach 2.72 D
Pointe leáite 10.31 °C Cuir in eagar ar Wikidata
Fiuchphointe 337 °C (a 1 atm) Cuir in eagar ar Wikidata
Móimint leictreach dhépholach 2.72 D
Galbhrú 0.001 mmHg (a 20 °C) Cuir in eagar ar Wikidata
Guais
Meánteorainn nochta ualaithe ama 1 mg/m³ (10 h, Stáit Aontaithe Mheiriceá) Cuir in eagar ar Wikidata
Láithreach contúirteach don bheatha nó sláinte 15 mg/m³
NFPA 704: Standard System for the Identification of the Hazards of Materials for Emergency Response ()
Regulation (EC) No. 1272/2008 (en) Aistrigh (GHS05: corrosion (en) Aistrigh) Cuir in eagar ar Wikidata
Eile
tais-scópacht, éadathachas agus odorlessness (en) Aistrigh

Is é an t-aigéad sulfarach (H2SO4) ocsaigéad an tsulfair, agus is é an uimhir ocsaídiúcháin atá ag an sulfar ann ná +6. "Ola vitriail" an seanainm. Tá sé intuaslagtha san uisce i ngach coibhneas measctha, agus is aigéad láidir agus ocsaídeoir láidir é araon. Tá sé in ann uisce a bhaint as móilíní orgánacha freisin, agus úsáidtear i bpróisis cheimiceacha é dá réir. Is amhábhar agus imoibreán ardtábhachtach é sa tionsclaíocht. Is í an trí-ocsaíd sulfair, SO3, is ainhidríd don aigéad sulfarach - is é sin, an chomhdhúil a thabharfaidh aigéad sulfarach má imoibríonn sé leis an uisce.

Faightear aigéad sulfarach trí shulfar a ocsaídiú. Ar dtús, dóitear sulfar go dé-ocsaíd sulfair SO2. San ocsaíd seo, áfach, níl an sulfar ach +4 ar uimhir ocsaídiúcháin, agus mar sin, tá sé riachtanach é a ocsaídiú go +6, rud a dhéantar trí thuilleadh ocsaigine a thabhairt don dé-ocsaíd agus an pheantocsaíd vanaidiam, V2O5, ag catalú an imoibriúcháin. Ansin, gheofar an trí-ocsaíd. Imoibriú an-eisiteirmeach é, áfach, imoibriú na trí-ocsaíde sulfair leis an uisce, is é sin, scaoiltear a lán fuinnimh saor dá thoradh, agus is deacair srianta maithe a choinneáil leis an imoibriú seo fiú faoi imthoscaí na monarchan. Mar sin, is é an rud a dhéantar ná go dtuaslagtar an trí-ocsaíd san aigéad sulfarach tiubhaithe, ionas go bhfaighfear leacht tromghluaiste ar a dtugtar oleum. Focal Laidine é oleum a chiallaíonn "ola", ach i ndéantús an aigéid shulfaraigh, is é is brí leis ná meascán as aigéad sulfarach agus cineál polaiméirí, ar nós an dé-aigéad sulfarach H2S2O7. Ansin, cuirfear an t-uisce leis an oleum go cúramach, go dtí go mbeidh sé ina aigéad sulfarach glan.

Tugtar sulfáití ar shalainn an aigéid seo. Tá an chuid is mó acu sothuaslagtha san uisce, ach is eisceachtaí iad sulfáití na miotal cré-alcaileach, ar nós sulfáit chailciam (gipseam, plástar gipsim), sulfáit strointiam, sulfáit bhairiam, agus sulfáit raidiam. Tá an tsulfáit raidiam ar an tsulfáit is dothuaslagtha ar fad. Is mianraí nádúrtha iad a lán sulfáití, na cinn seo mar shampla:

  • bairít (sulfáit bhairiam)
  • ceilistít (sulfáit strointiam)
  • anglaisít (sulfáit luaidhe)
  • ainhidrít (sulfáit chailciam, agus í saor ó uisce)
  • gipseam (sulfáit chailciam, agus uisce mar chuid de struchtúr an chriostail)
  • calcaintít (sulfáit chopair)
  • mianraí éagsúla sulfáite maignéisiam (cíosairít, eapsaimít, agus a lán eile)
  • meilintirít (sulfáit iarainn)