Che Guevara
Réabhlóidí sóisialach ab ea é Ernesto Guevara Lynch de la Serna, nó Che Guevara de ghnáth (14 Meitheamh, 1928 - 9 Deireadh Fómhair, 1967), a rugadh i Rosario, Airgintín. Fuair sé bás in La Higuera na Bolaive.
Saol [athraigh]
Nuair a bhí sé óg thosaigh sé ag staidéar chun bheith ina dhochtúir. Thaistil sé trí Meiriceá Laidineach, áit a bhfaca sé bochtanas an phobail don chéad uair. De bharr an turais sin, chuir sé suim sa Mharxachas. Chuaigh sé go dtí Guatamala chun éisteacht leis na rudaí a bhí le rá ag an tUachtarán Jacobo Arbenz Guzmán. Bhí Fulgencio Batista i gceannas i gCúba ag an am úd. Chuir Fidel Castro, in éineacht le Guevara, feachtas míleata ar bun in aghaidh an rialtais ag deireadh 1956 i Meicsiceo. Ghlac sé páirt thábhachtach san éirí amach agus, i ndeireadh na dála, ghlac siad seilbh ar Havana ar 1 Eanáir 1959 nuair a theith Batista ón oileán. Tar éis tamaill mar aire i gCúba, chuaigh Che go dtí an Chongó (áit a ghlaoitear Poblacht Dhaonlathach an Chongó anois ar) ar feadh bliana ag iarraidh cabhair a thabhairt don éirí amach a bhí ar siúl in oirthear na tíre, ach theip air (Guevara, 2001). Maraíodh é sa bhliain 1967 sa Bholaiv is é ag iarraidh éirí amach eile a chruthú.
Nasc seachtrach [athraigh]
Tagairt [athraigh]
- Guevara, Ernesto Che, 2001, The African Dream, The Diaries of the Revolutionary War in the Congo, Grove Press, ISBN 0-8021-3834-9
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
