Ard-Oifig an Phoist

Ón Vicipéid, an chiclipéid shaor.
WD Bosca Sonraí Foirgneamh
WD Bosca Sonraí Foirgneamh
Ard-Oifig an Phoist
Radharc oíche
Íomhá den taobh istigh
Íomhá
Lipéad sa teanga dhúchais(ga) Ard-Oifig an Phoist
Sonraí
CineálOifig an phoist agus struchtúr ailtireachta
AiltireFrancis Johnston
Foirgníocht6 Eanáir 1814 Cuir in eagar ar Wikidata
Dáta na hoscailte oifigiúla6 Eanáir 1818 Cuir in eagar ar Wikidata
Croineolaíocht
Éirí Amach na Cásca
Tréith
Stíl ailtireachtaGreek Revival architecture (en) Aistrigh
ailtireacht Sheoirseach
Suíomh geografach
Limistéar riaracháinBaile Átha Cliath, Éire
SuíomhSráid Uí Chonaill
Map
 53°20′58″N 6°15′40″W / 53.349334°N 6.261075°W / 53.349334; -6.261075
Le cuidGPO Arcade (en) Aistrigh
Gníomhaíocht
ÚinéirAn Post

Bhí Ard-Oifig an Phoist i mBaile Átha Cliath suite ar Shráid Sheamlas an Éisc ó 1689 ar dtús, ní ba déanaí i bhfoirgneamh beag in aice leis na Foirgintí Tráchtála ó 1755 ar aghaidh, agus haistríodh í go dtí áras níos mó os comhair Fhaiche an Cholaíste.

Ar an séú lá de Mhí Eanáir sa bhliain 1818, hosclaíodh Oifig nua an Phoist i Sráid Sackville, ar a dtugtar Sráid Uí Chonaill inniu. Ar na saolta seo, tá Ard-Oifig an Phoist ag obair mar cheanncheathrú do An Post, a sholáthraíonn seirbhísí postais do Phoblacht na hÉireann ar fad.

Gardaí Síochána nua ag máirseáil i bparáid thart le hArd-Oifig an Phoist, Tóstal na bliana 1954

Stair[cuir in eagar | athraigh foinse]

Chuir Charles Whitworth an bhunchloch leis an bhfoirgneamh ar an 12ú lá de Mhí Lúnasa sa bhliain 1814, agus críochnaíodh an obair i ndiaidh oibreacha trí bliana. Chosain an foirgneamh leathchéad míle punt, an foirgneamh Seoirseach poiblí deireanach a tógadh i mBaile Átha Cliath. B'é an t-ailtire Francis Johnson a rinne an dearadh.

Tá an foirgneamh maisithe le trí dhealbh le John Smyth. Tá teachtaire na ndéithe Rómhánacha, Mearcair, ina sheasamh ar an taobh deas, agus é ag iompar maide an dá nathair (Caduceus) arb é a shuaitheantas é, chomh maith le sparán. Ar an taobh clé, seasann an Dílseacht (Fidelitas) agus í ag ardú méire lena béal agus ag iompar eochrach ina lámh. Sa lár atá, Hibernia, agus í ag baint taca as a sleá agus ag coinneáil greama ar a sciath.

Nuair a bhí Éirí Amach na Cásca díreach ag tosú, léigh Pádraig Mac Piarais Forógra na Poblachta amach ó staighre an dorais mhóir os comhair Ard-Oifig an Phoist. Tá bunchóip an fhorógra le feiceáil inniu féin in Oifig na mBailitheoirí Stampaí. I rith an Éirí Amach, bhain ceannairí na nÓglach úsáid na ceanncheathrún as Ard-Oifig an Phoist. Dá thoradh sin, rinne fórsaí na Breataine Móire a lán damáiste don fhoirgneamh, agus iad á ionsaí. Níor cuireadh caoi cheart ar an bhfoirgneamh arís, sular ghlac rialtas an tSaorstáit leis mar dhualgas, cúpla bliain ní ba déanaí. Inniu féin, feictear poill philéar an Éirí Amach ar na colúin.

I ndilchuimhne ar an dóigh ar theip an tÉirí Amach ar na hÉireannaigh, cuireadh dealbh de bhás Chú Chulainn ina seasamh os comhair an fhoirgnimh. Bhí an dealbh seo le feiceáil ar an bpíosa deich scillinge ón mbliain 1966 agus ar "shraith B" den nóta fiche punt.

Sa bhliain 2005, d'fhógair Rialtas na hÉireann go rabhthas leis na seirbhísí poist a bhogadh go dtí áit éigin eile le hArd-Oifig an Phoist a iompú ina hiarsmalann a bheadh tiomnaithe do chuimhneachán Éirí Amach na Cásca.

Bhí colún Nelson ina sheasamh os comhair an fhoirgnimh go dtí an bhliain 1966, nuair a chuir buama de chuid an IRA de dhroim an tsaoil é. Sa bhliain 2000, tógadh an Spuaic ina áit.

Colún Nelson agus an póirseáid GPO, sráid Sackville, léaráid a rinne George Petrie sa bhliain 1830

Tagairtí[cuir in eagar | athraigh foinse]

Naisc sheachtracha[cuir in eagar | athraigh foinse]