An tSairdínis

Ón Vicipéid, an chiclipéid shaor.
Sairdínis
(Sardu / Saldu)
Á labhairt: An tSairdín
Réigiún: An Eoraip Theas
Cainteoirí san Iomlán: 1.85 milliún
Rang: -
Líne ghinealaigh: Ind-Eorpais

 Iodáilic
  Rómánsach
   Sairdínis

Stádas Oifigiúil
Teanga Oifigiúil: An tSairdín
Foras Pleanála Teanga: Limba Sarda Comuna
Cóid teangeolaíocha
ISO 639-1 sc
ISO 639-2 srd
ISO 639-3 srd
Amharc ar: TeangaLiosta Teangacha

Labhraítear Sairdínis sa tSairdín. Is í an Iodáilis teanga oifigiúil na Sairdíne cosúil leis an gcuid eile den Iodáil, ach úsáideann muintir dhúchasach an oileáin canúintí atá níos gaire don tseanLaidin féin ná don Iodáilis. Mar sin, is féidir a rá go bhfuil a leithéid de theanga ann agus an tSairdínis, nó Sardu.

Tá an teanga roinnte ina dhá príomhchanúint, mar atá, an Logudóiris agus an Champadáinis, agus iad chomh difriúil le chéile is go bhfuil sé beagnach dodhéanta aon teanga liteartha amháin a chaighdeánú don bheirt acu. Leis an scéal a dhéanamh níos casta fós, labhraítear dhá chanúint eile sa tSairdín nach ndearcann lucht a labhartha orthu mar Shairdínis, is é sin, an tSasáiris agus an Ghalúiris. Le fírinne, is fearr a rá gur canúintí Corsaicise iad seo, más fíor nach canúintí Iodáilise iad. Thairis sin, is í an Chatalóinis teanga Chathair Alghero.

Teangacha sa tSairdín