Thin Lizzy

Thin Lizzy

Sonraí
Cineál	banna ceoil
Stair
Dáta a bunaíodh	1969, Baile Átha Cliath
Gníomhaíocht
Tréimhse oibre	1969 –  1984
Lipéad ceoil	Decca Records Warner Bros. Records Deram Records Sony BMG Music Entertainment Vertigo Records Mercury Records EMI
Seánra	Rac-cheol crua, gormrac agus ceol miotal trom traidisiúnta
Faoi thionchar	Deep Purple, Led Zeppelin, Bob Dylan, The Rolling Stones, Van Morrison, Jeff Beck (en) , Small Faces, Jimi Hendrix, The Who, Cream, The Yardbirds, Wishbone Ash (en) , Slade agus The Allman Brothers Band
Codanna	Phil Lynott (1969–1983) Brian Downey (1969–2013) Scott Gorham (1974–) Darren Wharton (1980–) Marco Mendoza (1996–2013) Ricky Warwick (2010–) Damon Johnson (2011–)
Suíomh gréasáin	thinlizzy.org

Banna rac-cheoil as Baile Átha Cliath, Poblacht na hÉireann ab ea Thin Lizzy. Bhí siad ar cheann de na bannaí ba mhó in Éirinn ar feadh na 1970idí agus na 1980idí nuair a bhí an dordghiotáraí Phil Lynott ina phríomhamhránaí orthu. Bhí cúpla amhrán an-cháiliúil acu, mar shampla The Boys Are Back in Town, Jailbreak agus an leagan rac-cheoil a rinne siad den amhrán traidisiúnta Éireannach Whiskey in the Jar.

Agus na blianta ag dul thart, bhí roinnt giotáraithe éagsúla ag Thin Lizzy, ach choimeád siad guth sainiúil dá gcuid féin i gcónaí. Mar a scríobhann an léirmheastóir Seán Ó Dubhagáin;

'mar fhoras cruthaitheach sa bhanna, ba scríbhneoir ní ba chliste is ní ba chríonna é Lynott ná flúirse de na scríbhneoirí óna stíl; is fearr leis drámaí 'slis den saol' ón lucht oibre agus iad ag déileáil le grá is fuath, le tionchair ó amhránaithe cosúil le Bob Dylan, Van Morrison agus Bruce Springsteen, agus iad go leor as traidisiún liteartha na hÉireann'.

Bhí tionchar mór ag Van Morrison ar Philo, agus tá an giota eolais sin le fáil san agallamh le Philo sa scannán Thin Lizzy, The Rocker; A Portrait of Phillip Lynott.

Bhí tionchar mór ag na grúpaí ceoil Meiriceánacha ar nós Bob Seger agus Little Feat ar Lizzy chomh maith. Bhain siad úsáid as ceol de gach stíl cosúil le ceol tíre agus ceol tuaithe, ach tá aithne orthu mar rac-bhanna nó banna rac-crua.

Tá aithne forleathan ar Lizzy mar cheann amháin de na bannaí as an stíl rac-crua; iadsan a chuir an comhcheol de dhá giotáir (cath na dá ghiotár) ar bhun - stíl a bunaíodh ag Wishbone Ash sa Ríocht Aontaithe, agus go neamhspleách ag Lynyrd Skynyrd agus The Allman Brothers Band i SAM.

Cuireadh deireadh leis an mbanna sa bhliain 1983, agus fuair Phil Lynott bás ag tús 1986. Cuireadh an banna ar ais le chéile sa bhliain 1996 chun turas a dhéanamh.

Is é Lynott fear gorm amháin, de líon an-bheag díobh, a bhain clú agus cáil amach sa rac crua. Bhí baill den chine geal agus gorm, de gach taobh den teorainn Éireannach agus idir Caitlicigh agus Protastúnaigh páirteach sa bhanna.

Bunús ainm an bhanna

Tá trí scéal, is fiú, faoi bhunús an ainm 'Thin Lizzy'. Ós rud é go bhfuil easpa agallamh taifeadta le na baill againn faoi bhunús an ainm, ní féidir ach amhantraíocht a dhéanamh mar gheall air.

Sa scéal is coitianta, cheannaigh an príomhsheinnteoir giotáir, Eric Bell, é féin tacaí ar John Mayall's Bluesbreakers, cóip de leabhar grinn 'An Dandy', tar éis dó Eric Clapton a fheiceáil ag léamh cóip amháin den leabhar grinn 'An Beano', ar an albam 'Bluesbreakers le hEric Clapton'. Bhí carachtar amháin sa chóip darbh ainm 'Tin Lizzie' agus fuair sé 'Thin Lizzy' ón ainm seo (Tá cuma ar 'Tin Lizzie' le blas Bhéarla Bhaile Átha Cliath mar 'Thin Lizzy').

Stair (le Phil Lynott)

Bunaíodh an grúpa go déanach sa bhliain 1969 i mBÁC, Éire, le Lynott, seinnteoir giotáir Eric Bell, seinnteoir orgáin leictreachais Eric Wrixon agus an drumadóir Brian Downey. D'imigh Wrixon go luath sa bhliain 1970, agus iad ag éirí tuirseach traochta de na failleanna teoranta i mBÁC, chuaigh an grúpa go léir chuig Londain sa bhliain 1971.

Tar éis dóibh conradh a shocrú le Decca Records, tháinig an chéad chnag i rith na bliana 1973, le 'Fuisce sa Crúiscín' (nó Whiskey in the Jar as Béarla) - cuma rac ar an seanamhrán traidisiúnta. Bhí fadhbanna ag an mbanna, áfach, leis an gconách a fuair siad lena mhacasamhail d'amhrán Whiskey in the Jar, agus tar éis gig tubaisteach Oíche Chinn Bliana 1973 nuair a d'fhág Eric Bell an stáitse agus é ar meisce. Fágadh an banna le ceoltóir in easnamh. Tháinig Gary Moore isteach díreach ina dhiaidh sin agus d'fhan sé chomh fada chun cúpla rianta a thaifeadadh, le hamhráin mar Little Darlin agus I'm Still in Love with You ag teacht amach as sin, chomh maith le conradh úr le Phonogram Records. Bhí fadhbanna ólacháin agus andúil i ndrugaí ag an mbanna, go dtí gur thit siad as a chéile. Bhí fadhb mhór le Lynott le hearóin sna hóchtóidí a chuaigh in olcas go dtí gur bhásaigh sé ar 4ú Eanáir 1986 le seipticéime. Cuireadh é i reilig Naomh Fhionntain ar leithinis Bheann Éadair. Tá dealbh de ar Shráid Harry, taobh le Sráid Grafton, i mBaile Átha Cliath, a nochtadh sa bliain 2005 os comhair a mháthar Philomena agus go leor iarbhall den grúpa Thin Lizzy.

Albaim

• Thin Lizzy (1971)
• Shades of a Blue Orphanage (1972)
• Vagabonds of the Western World (1973)
• Nightlife (1974)
• Fighting (1975)
• Jailbreak (1976)
• Remembering (1976)
• Johnny the Fox (1976)
• Bad Reputation (1977)
• Live and Dangerous (1978)
• Black Rose: A Rock Legend (1979)
• Continuing Saga of Ageing Orphans (1979)
• Chinatown (1980)
• Renegade (albam) (1981)
• The Adventures of Thin Lizzy (1981)
• Thunder and Lightning (1983)
• Life (1983)
• The Collection (1987)
• Dedication: The Very Best of Thin Lizzy (1991)
• Boys Are Back in Town: Live in Australia (1999)
• One Night Only [live] (2000)
• Thin Lizzy Greatest Hits (2004)