Scaollcheannach an bhreosla sa Bhreatain (2021)

Bhí fadhbanna le soláthar breosla, scaollcheannach an bhreosla agus scuainí ag stáisiúin peitril in áiteanna sa Bhreatain i mí Mheán Fómhair agus i i mí Dheireadh Fómhair na bliana 2021. Tharla an t-éileamh mar go raibh eagla ar dhaoine nach mbeadh fáil acu ar bhreosla toisc ganntanas tiománaithe leoraí a bhí ann.^[1]

Ar 27 Meán Fómhair, dúirt Cumann Miondíoltóirí Peitril na Breataine go raibh suas le dhá thrian dá chuid ball rite amach as breosla cheana féin.^[2] D'fhág sé seo nach raibh cuid de na hearraí á dtabhairt chomh fada le hollmhargaí.

Bearta rialtais

Ar dtús, dúirt Rúnaí Iompair na Breataine, nach raibh aon ghanntan breosla sa tír, agus go raibh sé de dhualgas ar thionscail an bhreosla a chuid féin a dhéanamh agus nach ceist don rialtas amháin í seo. Dúirt Aire Comhshaoil na Breataine go raibh faitíos i measc an phobail go mbuailfeadh siad le ganntan breosla, agus go raibh an ró-cheannach dá réir ar siúl.

Ansin d'fhógair Rialtas na Breataine go raibh sé lena chuid dlíthe iomaíochta a chur de leataobh.

Tamall ina dhiaidh, chinn Príomh-Aire na Breataine, Boris Johnson cumhachtaí éigeandála a úsáid agus Arm na Breataine a thabhairt isteach leis an mbreosla a sheachadadh. D'iarr Rialtas na Breataine ar an Arm na Breataine i ndeireadh Mheán Fómhair a bheith ar aire le cúnamh a thabhairt. Ach ar 1 Deireadh Fómhair, bhí suas le 150 tancaer míleata fós ag ullmhú chun breosla a thabhairt go stáisiúin nach raibh aon ola fágtha iontu.

Ansin tugadh cead 10,000 oibrí as tíortha eile isteach go sealadach idir Deireadh Fómhair agus Nollaig féachaint leis an ngéarchéim a réiteach.^[2]

Éire

In Éirinn, dúirt Uachtarán Chónaidhm Iompróirí Bóthair na hÉireann 'Ba mhór an feall é dá gcaillfeadh an tAontas Eorpach tiománaithe, agus iad imeacht chuig an Ríocht Aontaithe, mar go mbeadh impleachtaí tromchúiseacha aige sin don tír s'againne'.^[3]

Féach freisin

Breatimeacht

Tagairtí

↑ Nuacht RTÉ (2021-09-28). "Arm na Breataine ar aire agus peitreal gann thall" (as ga).
1 2 Nuacht RTE (2021-09-27). "Rialtas na Breataine le dlíthe iomaíochta a chur i leataobh" (as ga).
↑ Nuacht RTÉ (2021-09-27). "'3,000 tiománaí breise trucail ar a laghad de dhíth'-Drennan" (as ga).

[1] Nuacht RTÉ (2021-09-28). "Arm na Breataine ar aire agus peitreal gann thall" (as ga).

[:0-2] 1 2 Nuacht RTE (2021-09-27). "Rialtas na Breataine le dlíthe iomaíochta a chur i leataobh" (as ga).

[3] Nuacht RTÉ (2021-09-27). "'3,000 tiománaí breise trucail ar a laghad de dhíth'-Drennan" (as ga).

[1]

[2]

[3]