Sairdínigh

Is grúpa eitneach Eorpach iad na Sairdínigh. Is í an tSairdín, oileán in iarthar na Meánmhara, a dtír dhúchais. Tá breis is 1.6 milliún duine ina gcónaí ar an oileán.

Is í an tSairdínis a bpríomhtheanga. Teanga Rómánsach í agus timpeall is 68% de mhuintir na Sairdíne ábalta í a labhairt. Níl an cumas sin ach ag 13% de na páistí ar an oileán, áfach, mar gheall ar bhrú láidir ón Iodáilis.