Richard Smalley

Ón Vicipéid, an chiclipéid shaor.
Jump to navigation Jump to search
Richard Smalley
Richard Smalley.png
Saol
Ainm iomlán Richard Errett Smalley
Eolas breithe Akron, Meitheamh 6, 1943
Náisiúntacht Stáit Aontaithe Mheiriceá
Áit chónaithe Akron
Bás Houston, Texas, Deireadh Fómhair 28, 2005
Na cúinsí a bhaineann lena b(h)ás bás nádúrtha (chronic lymphocytic leukemia (en) Aistrigh)
Oideachas
Alma mater Ollscoil Princeton
Ollscoil Michigan 1965) Baitsiléir Eolaíochta
Ollscoil Chicago
Hope College (en) Aistrigh
Gairm
Gairm ceimiceoir, ollamh agus eolaí
Fostóirí Ollscoil Rice
Duais
Ballraíocht American Physical Society (en) Aistrigh
Acadamh Ealaíona agus Eolaíochtaí Mheiriceá
American Association for the Advancement of Science (en) Aistrigh
Acadamh Náisiúnta na nEolaíochtaí
IMDb nm2218951

Ceimicí a rugadh in Akron, Ohio ab ea Richard E. Smalley (6 Meitheamh 194328 Deireadh Fómhair 2005). D'fhás sé aníos in Kansas City. Rinne staidéar ag Ollscoil Michigan (B.S., 1965), Ollscoil Princeton (Ph.D., 1973), agus Ollscoil Chicago (clár iar-dochtúra). Ollamh ag Ollscoil Rice in Houston, Texas a bhí ann agus ba in Houston a d'éag sé. Ceannródaí na nanaitheicneolaíochta a bhí ann.

Ag obair lena chomhghleacaithe Robert Curl is Harold Kroto ar ábhair leathsheoltacha, tháinig sé ar ábhar nua de thimpiste i 1985. Ag eisídiú adaimh carbóin as dromchla le léas léasair, á bhfuarú is á sú isteach i bhfolús, ba mhóilíní le 60 adamh carbóin iontu, is uaireanta le 70 adamh carbóin, a fuair siad mar thoradh den chuid is mó. Ba é seo 3ú allatróp an charbóin, C60. Graifít, a bhfuil cruth leatháin uirthi, is diamant, a bhfuil cruth teitrihéidreach air, an dá cheann eile. Chinn na taighdeoirí gur cruth cáis sféarúla, cosúil leis an gcruinneachán geodasach a dhear Buckminster Fuller, cosúil le liathróid sacair, a bhí san allatróp nua, le hadamh carbóin ag gach cúinne. Tús ab ea na millíní bucaí nó na fullairéiní seo le réimse torthúil lán-nua ceimice, an nanaiceimic. Bronnadh Duais Nobel na Ceimice ar an triúr i 1996.