Rajendra Prasad
,_signed_image_for_Walter_Nash_(NZ_Prime_Minister),_1958_(16017609534).jpg)  | |
| Ainm sa teanga dhúchais | (hi) डाक्टर राजेन्द्र प्रसाद |
|---|---|
| Beathaisnéis | |
| Breith | 3 Nollaig 1884 Ziradei, An India |
| Bás | 28 Feabhra 1963 78 bliana d'aois Patna, An India |
| 1 Uachtarán na hIndia | |
| 26 Eanáir 1950 – 12 Bealtaine 1962 – Sarvepalli Radhakrishnan → | |
 Cathaoirleach Constituent Assembly of India (en)  | |
| 11 Nollaig 1946 – 24 Eanáir 1950 ← Sachchidananda Sinha | |
| Ball de Chomhthionól na hIndia | |
| 6 Iúil 1946 – 24 Eanáir 1950 | |
| Faisnéis phearsanta | |
| Reiligiún | An Hiondúchas |
| Scoil a d'fhreastail sé/sí | Ollscoil Chalcúta Ollscoil Presidency Coláiste Surendranath Surendranath Law College (en) |
| Áit chónaithe | Dr. Rajendra Prasad house (en) |
| Gníomhaíocht | |
| Gairm | dlíodóir, polaiteoir |
| Fostóir | Ollscoil Chalcúta |
| Ball de pháirtí polaitíochta | Comhdháil Náisiúnta na hIndia |
| Teangacha | An Hiondúis agus Béarla |
| Teaghlach | |
| Céile | Rajavanshi Devi Prasad |
Gradam a fuarthas | |
 | |
An chéad Uachtarán ar an India - ó 1950 go 1962 - ab ea Rajendra Prasad (3 Nollaig 1884 – 28 Feabhra 1963).[1]
Saol
[cuir in eagar | athraigh foinse]
Céimí de chuid Ollscoil Calcutta, a bhronn M.A. san Eacnamaíocht air sa bhliain 1907, bhí Prasad ina mhúinteoir Béarla ar dtús.[2]
Rinne sé staidéar ar an dlí i gCalcúta agus fuair sé LLB sa bhliain 1910 agus LLM céadonóracha sa bhliain 1915. Bronnadh bonn óir dá bharr sin. Fuair sé LLD ó Ollscoil Allahabad in 1937. Sa bhliain 1916, a ligeadh isteach mar dhlíodóir os comhair Ard-Chúirt Patna nuabhunaithe é.
In 1906 a thosaigh an bhaint a bhí aige le Comhdháil Náisiúnta na hIndia agus sa bhliain 1911 a ghlac sé ballraíocht inti. Ón gcéad uair a cuireadh Gandhi in aithne dó, sa bhliain 1916, mhéadaigh an tionchar a bhí ag an Mahatma air agus sa bhliain 1920 a chuaigh sé i bpáirt le roinnt dlíodóirí mór le rá eile agus iad ag éirí as an mBarra thart ar an bpointe sin chun díriú ar an troid ar son na saoirse.[2]
Shamhlaítí an ghluaiseacht um neamh-chomhoibriú le Prasad go mór mór agus bhí sé ina chomhbhunaitheoir ar Bihar Vidyapeeth in Patna, ollscoil a raibh mar aidhm aige, mar rogha eile é in ionad an chórais oifigiúil, éiteas ar a raibh rian sainiúil na hIndia, ag teacht le tréithe tuaithe (den chuid is mó) na tíre agus idé-eolaíocht thírghrách.
Bhí Prasad ina Leas-Seansailéar ar an Ollscoil ó 1923 go 1927 agus ina Chathaoirleach uirthi go dtí 1942. Bhí sé ina chónaí i dteachín ceann tuí ar champas na hollscoile ó 1921 go 1946 agus tar éis dó éirí as mar Uachtarán na hIndia, d'fhill sé ar an áit sin chun na míonna a bhí fágtha sa saol dó a chaitheamh.[2]
Polaitíocht
[cuir in eagar | athraigh foinse]Bhí Prasad ina bholscaire gníomhach thar ceann na Comhdála agus ina cheannaire uirthi sna 1920í, 1930í agus 1940í, agus bhí sé ina Uachtarán uirthi trí huaire (1934-35 agus ar feadh tamaillín arís i 1939 agus 1947).
Chuir na Briotanaigh i bpríosún é arís agus arís eile mar gheall ar an ról ceannaireachta a bhí aige, go mór mór ó 1942 go 1945, mar fhreagairt ar an ngluaiseacht "Scoir an India".
I mí na Nollag 1946 a toghadh mar Uachtarán ar Chomhthionól Bunreachta na hIndia é. Mar Uachtarán agus mar chathaoirleach ar cheithre choiste thábhachtacha, bhí Prasad chun tosaigh agus an bunreacht nua á dhréachtú thar na trí bliana ina dhiaidh sin. Nuair a tháinig an Bunreacht i bhfeidhm i mí Eanáir 1950, toghadh mar an gcéad Uachtarán ar an India é agus atoghadh é ag an gcéad gnáth-thoghchán uachtaránachta sa bhliain 1952 agus ag an dara ceann sa bhliain 1957. Níor lorg sé an tríú téarma.[2]
Uachtaránacht
[cuir in eagar | athraigh foinse]Agus é ina Uachtarán, dhearbhaigh Prasad go raibh an oifig neamhspleách ar pholaitíocht pháirtí agus os a cionn, mar a bhí beartaithe ag údair an Bhunreachta, cé go raibh roinnt teannais idir an Uachtarán agus an Príomh-Aire Nehru, go háirithe maidir leis na hathchóirithe ar dhlí phearsanta na Hiondúch a achtaíodh i dtreo dheireadh an chéad thréimhse iomlán a bhí aige mar Uachtarán.
Chuir traidisiúnaithe amhail Prasad in aghaidh na n-athruithe sin agus cheistigh An tUachtarán an raibh mandáid ag an gComhdháil athruithe mar sin a dhéanamh, a mbeadh tionchar forleathan acu ar chreatlach shaol na Hiondúch, go mór mór ó thaobh stádas na mban de.
Cuireadh ar Nehru géilleadh ar ghnéithe áirithe, agus d'éirigh An tAire Dlí agus Ciry, B.R. Ambedkar, as dá bharr sin, ós rud é go raibh sé chun tosaigh i bhfabhar na n-athchóirithe.[2]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ India Today Web Desk New DelhiDecember 3, 2016UPDATED: September 4, 2017 12:58 Ist. "Remembering India's first President: 10 facts about Dr Rajendra Prasad" (en). India Today. Dáta rochtana: 2022-02-28.
- ↑ 2.0 2.1 2.2 2.3 2.4 Scoil Dlí, COBÁC (2020). "Rajendra Prasad". Dáta rochtana: 2022.