Pussy Riot

Ón Vicipéid, an chiclipéid shaor.
Jump to navigation Jump to search
Pussy Riot sa Chearnóg Dhearg i Moscó

Is banna rac-cheoil Rúiseach feimineach é Pussy Riot a chasann punc-rac, mar agóid de ghnáth. Tá siad lonnaithe i Moscó. Cuireadh an banna ar bun sa bhliain 2011, agus go dtí seo tá timpeall is 11 bean a bhí nó atá páirteach ann,[1] ó 20 go 33 bliana d'aois.[2] Tá roinnt "treall-léirithe" curtha i gcrích acu in áiteanna poiblí neamhghnácha agus a bhí gríosaitheach, gan chead agus curtha ar an Idirlíon ina dhiaidh sin i bhfoirm físeán ceoil.[3] Ar na téamaí liriceacha acu tá feimeanachas, cearta LADT, agus a gcur i gcoinne Vladimir Putin, uachtarán géagláidir na Rúise.[2] Cuireann siad a spotsholas ar an gceangal idir Putin agus ceannairí Eaglais Cheartchreidmheach na Rúise.[4]

Ar 21 Feabhra 2012, rinne cúigear den ghrúpa stáitiú ceoil in Ardeaglais Chríost Slánaitheoir i Moscó.[5] Sa deireadh chuir oifigigh slándála de chuid na heaglaise críoch leis an léiriúchán. Mhaigh na mná go raibh siad ag agóid i gcoinne an tacaíocht a thug an Eaglais Cheartchreidmheach do Putin le linn a fheachtas toghcháin. Ar 3 Márta 2012, gabhadh beirt den ghrúpa, Nadezhda Tolokonnikova agus Maria Alyokhina, agus cuireadh amhasóireacht ina leith. Gabhadh duine eile ón ghrúpa, Yekaterina Samutsevich, ar 16 Márta. Séanadh bannaí dóibh, agus coimeádadh faoi ghlas iad gur thosaigh a dtriall go déannach i mí Iúil. Ar 17 Lúnasa 2012, ciontaíodh an triúr i gcoir "na hamhsóireachta agus í spreagtha ag fuath reiligiúin", agus gearradh dhá bhliain príosúnachta an duine orthu.[6][7][8] Ar 10 Deireadh Fómhair i ndiaidh achomhairc i gcoinne na breithe, ligeadh Samutsevich saor ar promhadh agus an bhreith ina coinnese curtha ar fionraí. Sheas an chúirt le breith an bheirt bhan eile.[9]

Cáineadh na breitheanna i gcoinne Pussy Riot go forleathan ar fud an domahin,[10] san Iarthar go háirithe. Sheas grúpaí cearta daonna mar Amnesty International an fód ar son na mban; "príosúnaithe coinsiasa" a thug AI orthu.[11]. Thug lucht an cheoil agus na siamsaíochta tacaíocht dóibh.[12] Ní rabhthas chomh báúil leis na mná sa Rúis féin, áfach, agus an tríú cuid de na Rúisigh i bhfabhar bhreith na cúirte.[13][14] ar 13 Nollaig 2013, i ndiaidh 21 mí dá bpríosúnacht a chur isteach, ligeadh Tolokonnikova agus Alyokhina saor, tar éis do Duma an Stáit maithiúnas a mholadh.[15]

I mí Feabhra na bliana 2014, fógraíodh i ráiteas gan ainm ach ar son ball den ghrúpa nach raibh Alyokhina agus Tolokonnikova ina baill de a thuilleadh.


Tagairtí[athraigh | athraigh vicithéacs]

  1. "Pussy Riot dig claws into Putin". Financial Times.
  2. 2.0 2.1 "Pussy Riot: will Vladimir Putin regret taking on Russia's cool women punks?".
  3. "A Russian Pussy Riot". Archived from the original on October 27, 2012.
  4. "Putin's message: if you're pro Pussy Riot you're against the Orthodox church". The Guardian. Archived from the original on November 18, 2012.
  5. Teimpléad:Cite video
  6. "Pussy Riot sentenced to two years in jail". RT. Archived from the original on October 27, 2012.
  7. "Pussy Riot found guilty of hooliganism by Moscow court". Archived from the original on October 27, 2012.
  8. "Pussy Riot sentenced to two years in prison colony over anti-Putin protest". The Guardian. Archived from the original on October 27, 2012.
  9. "Pussy Riot member Samutsevich sentence reduced to probation". RAPSI News. Archived from the original on October 27, 2012.
  10. According to BBC Monitoring, in the worldwide press there was 'almost universal condemnation' of the two-year sentence imposed on the three members of the group. "Press aghast at Pussy Riot verdict". Archived from the original on October 27, 2012.
  11. "Russia: Release punk singers held after performance in church". Archived from the original on October 28, 2012.
  12. "Adele, U2, Madonna, Yoko Ono, Radiohead, Patti Smith, Bruce Springsteen, Ke$ha, Sir Paul McCartney and Sting unite with more than 100 Musicians to call for release of Pussy Riot". Amnesty International.
  13. "Россияне о деле Pussy Riot" (Russian). Archived from the original on October 27, 2012.
  14. "Треть россиян верит в честный суд над Pussy Riot" (Russian). Archived from the original on October 27, 2012.
  15. "Freed Pussy Riot members call Russia amnesty a PR stunt".