Amnesty International

Ón Vicipéid, an chiclipéid shaor.
Amnesty international Logo.svg

Is gluaiseacht domhanda é Amnesty International a théann i mbun feachtais ionas nach mbeidh a gcearta daonna sáraithe ag aon duine agus chun na cearta daonna bunúsacha deimhnithe sa Dhearbhú Uile-Choiteann Cearta an Duine a chosaint. Saothraíonn an ghluaiseacht neamhspléach ó idé-eolaíocht pholaitiúil ar bith, ó leas eacnamaíoch agus ó reiligiún ar bith.

Amnesty International Éire[athraigh | athraigh vicithéacs]

Is é Amnesty International Éire an eagraíocht cearta daonna is mó in Éirinn le beagnach 17,000 ball agus lucht tacaíochta. Glacann siad páirt i bhfeachtais ar fud an domhain:

  • Díshealbhuithe fórsáilte
  • Cearta Daonna sa Mheánoirthear agus san Afraic Thuaidh
  • Chun deireadh a chur le pionós an bháis
  • Chun deireadh a chur le ciorrú ball giniúna ban san Eoraip
Díshealbhuithe fórsáilte[athraigh | athraigh vicithéacs]

Tá breis is billiún daoine timpeall an domhain ag maireachtáil i slumaí agus i lonnaíochtaí neamhfhoirmiúla. Maireann siad faoi scáth na himní agus na heagla i gcónaí go gcaithfear as baile iad gan choinne, gan chúiteamh. Tá béim curtha faoi láthair ar chás na Romach san Iodáil atá ag fulaingt dian-leithcheal ó na húdaráis.

Cearta Daonna sa Mheánoirthear agus san Afraic Thuaidh[athraigh | athraigh vicithéacs]

Le blianta beaga anuas tá na milliúin daoine tagtha amach ar na sráideanna ag éileamh athruithe sa Mheánoirthear agus san Afraic Thuaidh. Go minic d´fhulaing siad foréigean, príosún nó céasadh nuair a d´éalaigh siad a gcearta daonna bunúsacha. Oibríonn Amnesty International le gníomhaithe cearta daonna sa Libia, san Éigipt, sa Túinéis agus in áiteanna eile atá ag athrú go mall, agus chun drochíde a nochtadh ar dhá thaobh na coimhlinte uafásach sa tSiria.

Pionós an bháis[athraigh | athraigh vicithéacs]

Séard atá i gceist le pionós an bháis ná seánadh cearta daonna atá go hiomlán dochúlaithe. Tá Amnesty International ag obair go dian chun deireadh a chur le pionós an bháis ar fud an domhain.

Ciorrú ball giniúna ban san Eoraip[athraigh | athraigh vicithéacs]

Tá feachtas de chuid Amnesty International, END FGM ar siúl ar fud na hEorpa ar feadh trí bliana anois. Tá an feachtas ag iarraidh béim a chur ar chiorrú ball giniúna ban ar chlár oibre Aontais na hEorpa agus chun na mná a d´fhulaing é go dtí seo agus atá fós i mbaol a chur chun cinn.

Naisc sheachtracha[athraigh | athraigh vicithéacs]