Nix

Ón Vicipéid, an chiclipéid shaor.

Ceann de shatailítí nádúrtha Phlútóin is ea í Nix. B'é Spásteileascóp Hubble a tháinig ar Nix agus Hydra i Mí Bealtaine sa bhliain 2005. Tá an tsatailít seo ag timpeallú Phlútóin ar aon phlána le Carón, agus í ag críochnú imrothlú amháin in aghaidh gach 24.9 lá. Ní bhfuarthas miosúr ceart de Nix go fóill, ach is é an tuairim atá ag na saineolaithe go bhfuil sí idir 40 agus 130 ciliméadar ar trastomhas. Creidtear go bhfuil sí níos lú ná Hydra, ós rud é go bhfuil Hydra níos gile le feiceáil.