Muir nIocht

Ón Vicipéid, an chiclipéid shaor.
Radharc ó shatailít de Mhuir nIocht
Teorainneacha Mhuir nIocht
Caolas Dobhar

Is éard is Muir nIocht (Briotáinis: Mor Breizh; Coirnis: Mor Bretannek; Fraincis: la Manche) ann ná géag den Aigéan Atlantach a dheighleann an Bhreataine Mhór ó thuaisceart na Fraince, agus a cheanglaíonn an Mhuir Thuaidh leis an Atlantach. Tá sí thart ar 560 km (350 míle) ar fhad agus athraíonn a leithead ó 240 km (150 míle) ag a háit is leithne, go dtí 34 km (21 míle) sa Chaolas Dobhar. Is í an fharraige is éadomhain í timpeall ar scairbh ilchríochach na hEorpa, ag clúdach réimse thart ar 75,000 km2 (29,000 míle cearnach).