Michael Phelps

Ón Vicipéid, an chiclipéid shaor.
Michael Phelps

Is snámhóir Meiriceánach é Michael Fred Phelps (a rugadh ar 30 Meitheamh, 1985 i mBaltimore, Maryland).

Bhuaigh Phelps ocht mbonn óir sna Cluichí Oilimpeacha i mBéising sa bhliain 2008. Sháraigh sé curiarriacht Mark Spitz, snámhóir Meireacánach eile, a bhuaigh seacht mbonn óir i München sa bhliain 1972. Fuair Plelps cúig bhonn i gcomórtais aonair agus trí cinn eile i rásaí sealaíochta.

Fuair Phelps sé bhonn óir agus dhá bhonn cré-umha san Cluichí Oilimpeacha san Aithin sa bhliain 2004 freisin.

Meastar go bhfuil rath ar an snámh ag Phelps toisc gnéithe éagsúla dá chorp a bheith as an ngnáth. Ceann acu seo ná go bhfuil réise láimhe níos faide ná an gnáth aige, agus í geall le 8cm níos faide ná a airde[1].

Gné eile a deirtear a chuidigh le rath Michael Phelps sa snámh ab ea a cholainn atá níos faide ná an gnáth agus go bhfuil a chosa ábhairín gearr.

Tagairtí[athraigh | athraigh vicithéacs]