Magellan

Ón Vicipéid, an chiclipéid shaor.

Lainseáladh an spásárthach seo i 1989 ón tointeálaí Atlantis chun cuairt a thabhairt ar Véineas agus pictiúir a ghlacadh de. Bhí córas íomháithe radair air chun na scamaill ar Véineas a threá. Thimpeallaigh sé Véineas gach 3 uair is 9 nóiméad, agus ghlac pictiúir de chrios dromchlach 16 km ar leithead thart ar an bpláinéad. Chlúdaigh na timpill seo suas le 90% de dhromchla an phláinéid roimh dheireadh obair an spásárthaigh. Rinne sé réada ar leithead 300 km a thaifeach ar na pictiúir seo. Tá Véineas an-chosúil leis an Domhan ó thaobh méide is dlúis de, ach is pláinéad tirim gan bheatha é a bhfuil a dhromchla te go leor chun luaidhe a leá, chomh te le 500 °C in áiteanna. Ar deireadh, ligeadh don spásárthach titim isteach ar Véineas, agus loisceadh go hiomlán é.