Kathleen Antonelli
  | |
| Beathaisnéis | |
|---|---|
| Breith | (en) Kathleen Rita McNulty 12 Feabhra 1921 An Craoslach, Éire |
| Bás | 20 Aibreán 2006 85 bliana d'aois Wyndmoor, Pennsylvania |
| Siocair bháis | Bás nádúrtha (Ailse) |
| Áit adhlactha | Philadelphia |
| Faisnéis phearsanta | |
| Scoil a d'fhreastail sé/sí | Chestnut Hill College (en)  (1938–1942)J. W. Hallahan Catholic Girls High School (en) (1934–1938)church school (en) |
| Gníomhaíocht | |
| Réimse oibre | Matamaitic agus ríomheolaíocht |
| Gairm | ríomhchláraitheoir, matamaiticeoir, eolaí ríomhaireachta |
| Fostóir | Eckert–Mauchly Computer Corporation (1948–1950) Aberdeen Proving Ground (1947–1948) Moore School of Electrical Engineering (en) (1942–1947) |
| Teaghlach | |
| Céile | John Mauchly (1948–1980) Severo Antonelli (1985–1996) |
| Athair | James McNulty |
Gradam a fuarthas
| |
 | |
Ba ríomhchláraitheoir í Kathleen "Kay" McNulty Mauchly Antonelli (12 Feabhra 1921 – 20 Aibreáin 2006) a bhí mar dhuine de na 6 ríomhchláraitheoir a d'oibrigh ar an ríomhaire ENIAC - an chéad ríomhaire digiteach ilchuspóireach pearsanta.
Laethanta a hÓige agus Oideachas
[cuir in eagar | athraigh foinse]Rugadh Kathleen McNulty (Gaeilge: Caitlín Nic an Ultaigh) i bhFaiche Mhór ar an Chraoslach, i nGaeltacht Dún na nGall i 1921 le linn Chogadh na Saoirse. Ar oíche a breithe, gabhadh a hathair, a bhí mar bhall Óglaigh na hÉireann, agus cuirtear i bPríosún Doire é ar feadh dhá bhliain. Nuair a scaoileadh é i mí Deireadh Fómhair 1924, chuaigh Kathleen agus a teaghlach ar imirce go dtí Stáit Aontaithe Mheiriceá agus bhog siad go dtí Chestnut Hill i bhFilideilfia, Pennsylvania.[1] Ag an am sin, ní raibh ach Gaeilge aici. Ní raibh focal Béarla aici go dtí gur thosaigh sí ag freastal ar Hallahan Catholic High School i bhFilideilfia.[1]
I ndiaidh ardscoile, d'fhreastail sí ar Chestnut Hill College, le matamaitic mar phríomhabhar aici. Ghlac sí le gach modúl matamaitice a bhí ar fáil, triantánacht sféarúil, calcalas difreálach, geoiméadracht theilgeach agus staitistic ina measc. Bhain sí a céim amach I mí an Mheithimh 1942, bliain nach bhain ach cúpla bean eile céim mhatamaitice amach sa choláiste sin.[2]
A Gairm mar Ríomhcláraitheoir
[cuir in eagar | athraigh foinse]Seachtain nó dhó i ndiaidh a céim a bhaint amach, thug sí fógra státseirbhíse na Stát Aontaithe faoi deara in The Phildelphia Inquirer. Bhí siad ar tóir mná le céim matamaitice.[3] Le linn an Dara Cogadh Domhanda, bhí Arm na SA ag fostú mná chun ruthaig philéir agus ruthaig dhiúracáin a ríomh ag Ballistic Research Laboratory. Ghlaoigh sí ar a chomhchéimí Frances Bilas agus seachtain ina dhiaidh sin, bhí an bheirt acu fostaithe mar 'ríomhairí' daonna. Thosaigh siad ag obair ag The Moore School of Engineering.[4]
Leagáid
[cuir in eagar | athraigh foinse]I 2007, d'fhógair Ollscoil Chathair Bhaile Átha Cliath go raibh siad chun 'An Foirgneamh McNulty' a chuir ar an bhfoirgneamh ríomhaireachta in ómós Kathleen McNulty.[5]
I gContae Dún na nGall, bhunaigh Institiúid Teicneolaíochta Leitir Ceanainn duais bhliantúil don mhac/iníon léinn ríomhaireachta is fearr, darb ainm 'The Kay McNulty medal and prize.'[6]
Tagairtí
[cuir in eagar | athraigh foinse]- ↑ 1.0 1.1 Donegaldiaspora.ie. (2018). Kathleen Antonelli | Donegal Diaspora. [ar líne] Ar fáil ag: http://www.donegaldiaspora.ie/people/kathleen-antonelli [Rinneadh rochtain ar 28 Már. 2018]. (Béarla)
- ↑ Schnell, B. and Martin, C. (2006). Webster's New World Hacker Dictionary. Hoboken: John Wiley & Sons.
- ↑ Fritz, W.B., 1996. The women of ENIAC. IEEE Annals of the History of Computing, 18(3), pp.13-28.
- ↑ Heyman, K.L 1997-03-17, 'Women's contribution to Eniac remembered. (Industry Trend or Event)' Electronic Engineering Times, no. n945, pp. p89(3).
- ↑ RTÉ (2018). DCU names three buildings after women scientists. [ar líne] RTE.ie. Ar fáil ag: https://www.rte.ie/news/2017/0705/888002-dcu-women/ [Rinneadh rochtain air 3 Apr. 2018]. (Béarla)
- ↑ Silicon Republic. (2018). Ireland's Greatest Woman Inventor finalist - Kay McNulty Mauchly Antonelli, first woman computer programmer - Innovation | siliconrepublic.com - Ireland's Technology News Service. [ar líne] Ar fáil ag: https://www.siliconrepublic.com/innovation/irelands-greatest-woman-inventor-finalist-kay-mcnulty-mauchly-antonelli-first-woman-computer-programmer [Rinneadh rochtain air 3 Apr. 2018].