Julius Pokorny
| Beathaisnéis | |
|---|---|
| Breith | 12 Meitheamh 1887 Prág  |
| Bás | 8 Aibreán 1970 82 bliana d'aois Zürich, An Eilvéis |
| Siocair bháis | Buailte ag feithicil |
| Faisnéis phearsanta | |
| Scoil a d'fhreastail sé/sí | Ollscoil Vín |
| Céim acadúil | dochtúireacht |
| Gníomhaíocht | |
| Réimse oibre | Teangeolaíocht agus léann Ceilteach |
| Suíomh oibre | Vín Zürich Beirn Beirlín München |
| Gairm | teangeolaí, múinteoir ollscoile |
| Fostóir | Ollscoil Vín Ollscoil Ludwig Maximilian, München Ollscoil Erlangen-Nürnberg Ollscoil Humboldt Bheirlín Ollscoil Bern Ollscoil Zürich Ollscoil Kiel |
| Teangacha | An Ghearmáinis |
Ba scoláire é Julius Pokorny (12 Meitheamh 1887– 8 Aibreán 1970) a raibh an-chur amach aige ar na teangacha Ceilteacha, agus ar an nGaeilge go háirithe.[1] Thacaigh sé le náisiúnachas na hÉireann.
Rugadh i bPrág, san Ostair-Ungáir é agus d’fhreastail sé ar Ollscoil Vín, áit ar theagasc sé ón mbliain 1913 go dtí 1920. Bhí sé na ollamh le focleolaíocht Cheilteach ag Ollscoil Friedrich Wilhelm i mBeirlín ó 1920 go dtí 1935, sular fhionn na Naitsithe, d’ainneoin gur thacaigh sé leis an náisiúnachas Gearmánach a bhí ann, gur den chine Giúdach é.
Bhí comhfhreagras idir é féin agus Ruairí Mac Easmainn agus iad i mBeirlín agus san Ostair faoi seach i Mí an Mhárta sa bhliain 1916.[2]
Bhí sé ina eagarthóir ar an iris thábhachtach Zeitschrift für celtische Philologie roimh an Dara Cogadh Domhanda, agus ba eisean a chuir os comhair an phobail in athuair í ina dhiaidh sin.
D'éalaigh sé go dtí an Eilvéis sa bhliain 1943,[3] áit ar theagasc sé ar feadh cúpla bliain ag Ollscoil Bherne agus ag Ollscoil Zürich go dtí gur éirigh sé as i 1959. Sa bhliain 1954, bronnadh ollúnacht oinigh air ag Ollscoil Ludwich-Maximillian, München, mar ar mhúin sé go páirtaimseartha i 1956 agus arís ó 1960 go dtí 1965. Ba é a scríobh Indogermanisches etymologisches Wörterbuch (Foclóir Sanasaíochta Ind-Eorpacha, 1956), saothar atá in úsáid go forleathan fós inniu. D’éag sé in Zürich ar an 8 Aibreán 1970, beagnach trí seachtaine tar éis do thram é a leagan i ngar dá bhaile féin.
Tagairtí
[cuir in eagar | athraigh foinse]- Ó Dochartaigh, Pól (2004). "Julius Pokorny, 1887–1970: Germans, Celts and Nationalism". Dublin: Four Courts Press.
- Keogh, Dermot (1998). "Jews in Twentieth Century Ireland Refugees, Anti-Semitism and the Holocaust". Cork: Cork University Press.
- ↑ Diarmuid Breathnach agus Máire Ní Mhurchú. “POKORNY, Julius (1887–1970) | ainm.ie” (ga). An Bunachar Náisiúnta Beathaisnéisí Gaeilge (Ainm.ie). Dáta rochtana: 2024-02-19.
- ↑ Reinhard R. Doerries, Prelude to the Easter Rising: Sir Roger Casement in Imperial Germany, Frank Cass, London & Portland 2000, p. 189,
- ↑ Keogh p. 103