Julius Pokorny

Ón Vicipéid, an chiclipéid shaor.
Jump to navigation Jump to search
Julius Pokorny
Saol
Eolas breithe Prág, 12 Meitheamh 1887
Náisiúntacht An Eilvéis
Bás Zürich, 8 Aibreán 1970
Cúis bháis  (buailte ag feithicil)
Oideachas
Alma mater Ollscoil Vín
Leibhéal oideachais dochtúireacht
Teangacha An Ghearmáinis
Gairm
Gairm teangeolaí agus múinteoir ollscoile
Áit oibre Vín, Beirlín, Beirn, Zürich agus München
Fostóirí Ollscoil Vín
Ludwig Maximilian University of Munich (en) Aistrigh
University of Erlangen-Nuremberg (en) Aistrigh
Ollscoil Humboldt Bheirlín
Ollscoil Bern
Ollscoil Zürich
Ollscoil Kiel

Ba scoláire é Julius Pokorny (12 Meitheamh 18878 Aibreán 1970) a raibh an-chur amach aige ar na teangacha Ceilteacha, agus ar an nGaeilge go háirithe. Thacaigh sé le náisiúnachas na hÉireann.

Rugadh i bPrág, san Ostair-Ungáir é agus d’fhreastail sé ar Ollscoil Vín, áit ar theagasc sé ón mbliain 1913 go dtí 1920. Bhí sé na ollamh le focleolaíocht Cheilteach ag Ollscoil Freidrich Wilhelm i mBeirlín ó 1920 go dtí 1935, sular fhionn na Naitsithe, d’ainneoin gur thacaigh sé leis an náisiúnachas Gearmánach a bhí ann, gur den chine Giúdach é.

Bhí comhfhreagras idir é féin agus Ruairí Mac Easmainn agus iad i mBeirlín agus san Ostair faoi seach i Mí an Mhárta sa bhliain 1916.[1]

Bhí sé ina eagarthóir ar an iris thábhachtach Zeitschrift für celtische Philologie roimh an Dara Cogadh Domhanda, agus ba eisean a chuir os comhair an phobail in athuair í ina dhiaidh sin.

D'éalaigh sé go dtí an Eilvéis sa bhliain 1943,[2] áit ar theagasc sé ar feadh cúpla bliain ag Ollscoil Bherne agus ag Ollscoil Zürich go dtí gur éirigh sé as i 1959. Sa bhliain 1954, bronnadh ollúnacht oinigh air ag Ollscoil Ludwich-Maximillian, München, mar ar mhúin sé go páirtaimseartha i 1956 agus arís ó 1960 go dtí 1965. Ba é a scríobh Indogermanisches etymologisches Wörterbuch (Foclóir Sanasaíochta Ind-Eorpacha, 1956), saothar atá in úsáid go forleathan fós inniu. D’éag sé in Zürich ar an 8 Aibreán 1970, beagnach trí seachtaine tar éis do thram é a leagan i ngar dá bhaile féin.


Tagairtí[cuir in eagar | athraigh foinse]

  • Ó Dochartaigh, Pól (2004). "Julius Pokorny, 1887–1970: Germans, Celts and Nationalism". Dublin: Four Courts Press. 
  • Keogh, Dermot (1998). "Jews in Twentieth Century Ireland Refugees, Anti-Semitism and the Holocaust". Cork: Cork University Press. 
  1. Reinhard R. Doerries, Prelude to the Easter Rising: Sir Roger Casement in Imperial Germany, Frank Cass, London & Portland 2000, p. 189,
  2. Keogh p. 103

Naisc sheachtracha[cuir in eagar | athraigh foinse]