Julien Gracq

Julien Gracq

Beathaisnéis
Breith	(fr) Louis Poirier 27 Iúil 1910 Saint-Florent-le-Vieil, An Fhrainc
Bás	22 Nollaig 2007 97 bliana d'aois Angers, An Fhrainc
Áit adhlactha	Saint-Florent-le-Vieil
Faisnéis phearsanta
Scoil a d'fhreastail sé/sí	lycée Georges-Clemenceau École normale supérieure Lycée Henri-IV École Libre des Sciences Politiques
Céim acadúil	agregation of history and geography (en)
Teanga dhúchais	an Fhraincis
Gníomhaíocht
Gairm	scríbhneoir, file, drámadóir, úrscéalaí
Fostóir	University of Caen Normandy (en) lycée Georges-Clemenceau lycée Claude-Bernard Lycée La Tour d'Auvergne (en)
Seánra	Úrscéal, aiste agus léirmheastóireacht liteartha
Mac/iníon léinn de chuid	Alain (en)
Mac/iníon léinn	Michel Loirette
Ainm cleite	Julien Gracq
Teangacha	An Fhraincis
Gairm mhillteach
Céim mhíleata	leifteanant
Coinbhleacht	An Dara Cogadh Domhanda
Saothar
Saothar suntasach (1951) Le Rivage des Syrtes
Gradam a fuarthas (2006)  Gradam Mheiriceá sa Litríocht (1951)  Prix Goncourt, as a saothar Le Rivage des Syrtes  Concours général
Ainmnithe do (1961) Duais Nobel sa Litríocht (1960) Duais Nobel sa Litríocht (1959) Duais Nobel sa Litríocht
Síniú

Scríbhneoir Francach ab ea é Julien Gracq, nó Louis Poirier de réir a theastais bhreithe. Ar an 27ú lá d'Iúil sa mbliain 1910 a rugadh é, i Saint-Forent-le-Vieil, áit atá suite insa ndépartement Maine-et-Loire, agus do fuair sé bás in Angers ar an 22ú lá de Mhí na Nollag sa mbliain 2007.

Scriobh Gracq idir úrscéalta, aistí fén litríocht, agus filíocht. Cé gur chuir daoine mór le rá, André Breton ina measc, spéis i saothar Ghracq ón am gur foilsíodh a chéad leabhar, Au château d'Argol, dob é an t-úrscéal Le Rivage des Syrtes a chuir i mbéal an phobail é - ní hamháin de bharr an leabhair é féin ach toisc gur dhiúltaigh Gracq don nDuais Goncourt, an duais liteartha is iomráití sa bhFrainc, nuair a moladh sa mbliain 1951 dó í.

Tar éis dó droim láimhe a thabhairt leis an scríbhneoireacht liteartha, scríobhadh sé leabhair ina meascadh sé cuimhní cinn, blúiríní dírbheathaisnéiseacha, smaointe fén litríocht agus fén dtíreolaíocht.

Tá Gracq ar dhuine desna scríbhneoirí is tábhachtaí de litríocht na Fraince den 20ú haois, a chuid saothar aistrithe go breis is fichead teanga agus an iliomad staidéar déanta orthu ag acadóirí ar fud na cruinne.

Saothair

• Au château d’Argol, 1938 (úrscéal)
• Un beau ténébreux, 1945 (úrscéal)
• Liberté grande, 1947 (filíocht)
• Le Roi pêcheur, 1948 (dráma)
• André Breton, quelques aspects de l’écrivain, 1948 (critic)
• Le Rivage des Syrtes, 1951 (úrscéal)
• Prose pour l’Etrangère, 1952
• Penthésilée, 1954
• Un balcon en forêt, 1958 (úrscéal)
• Préférences, 1961
• Lettrines, 1967
• La Presqu’île, 1970
• Lettrines II, 1974
• Les Eaux Etroites, 1976
• En lisant en écrivant, 1980
• La Forme d’une ville, 1985
• Autour des sept collines, 1988
• Carnets du grand chemin, 1992
• Entretiens, 2002