Johnny Connolly
| Beathaisnéis | |
|---|---|
| Breith | 1944 Inis Bearachain, Éire  |
| Bás | 27 Nollaig 2019 74/75 bliana d'aois an Spidéal, Éire |
| Áit chónaithe | Inis Bearachain Cor na Rón |
| Teanga dhúchais | an Ghaeilge |
| Gníomhaíocht | |
| Gairm | ceoltóir |
| Teangacha | An Ghaeilge |
| Uirlis | Cairdín |
| Teaghlach | |
| Páiste | Johnny Óg Connolly |
  
| |
Ceoltóir as Inis Bearachain i gConamara ba ea Johnny Connolly (nó Johnny Phádraic Phíotair; 1944–2019), duine de na boscadóirí ba mhó cáil in Éirinn.[1]
In agallamh a rinne sé le TG4 in 2008, mhínigh sé an bealach ar thosaigh sé ag seinm an bhosca, nuair a bhí sé thart ar 10 mbliana d'aois. Bhí a thuismitheoirí ag dul amach chuig Féile na gCurachaí i Leitir Móir agus bhí Johnny ag iarraidh dul ina dteannta. Sa chaoi go bhfanfadh sé sa bhaile, thaispeáin a dheirfiúr dó an áit inar choinnigh a thuismitheoirí an bosca ceoil. Chaith sé an chuid eile den lá á sheinm, agus nuair a tháinig siad abhaile, bhí Johnny in ann roinnt port a chasadh cheana.[2]
Tugtar “rí an mhileoidin” air, agus deirtear gurbh é duine de na ceoltóirí traidisiúnta ab fhearr lena linn.
Phós sé Patricia Sweeney as Coillte Mach i gContae Mhaigh Eo, agus bhí triúr clainne acu: Jimmy, Johnny Óg, agus Mary Ellen. Is boscadóir cáiliúil é féin Johnny Óg.[2]
Dioscliosta
[cuir in eagar | athraigh foinse]- An tOileán Aerach (1993)
- Drioball na Fáinleoige (1998)
- An Mileoidean Scaoilte (2004)
Tagairtí
[cuir in eagar | athraigh foinse]- ↑ Fintan Vallely (1999). "The Companion to Irish Traditional Music": 1–. New York University Press. ISBN 978-0-8147-8802-8.
- ↑ 2.0 2.1 Mac Con Iomaire, Liam (1997). "Conamara: An Tír Aineoil" (in ga). Indreabhán: Cló Iar-Chonnacht. ISBN 1-900693-39-9.