Jack Kerouac

Jack Kerouac
	; (1956)
Beathaisnéis
Breith	(fr) Jean-Louis Lebris de Kérouac ; 12 Márta 1922; Lowell, Massachusetts
Bás	21 Deireadh Fómhair 1969 ; 47 bliana d'aois; St. Petersburg, Florida
Siocair bháis	Bás nádúrtha (Fuiliú inmheánach)
Áit adhlactha	Edson Cemetery (en)
Faisnéis phearsanta
Reiligiún	An Búdachas agus Caitliceachas
Scoil a d'fhreastail sé/sí	Ollscoil Columbia ; Ardscoil Lowell
Teanga dhúchais	Fraincis Cheanada
Gníomhaíocht
Réimse oibre	Litríocht Mheiriceánach, úrscéal dírbheathaisnéiseach agus American poetry (en)
Gairm	scríbhneoir, scríbhneoir scripte, úrscéalaí, file, scríbhneoir próis
Gluaiseacht	An Ghlúin Beat
Faoi thionchar	Honoré de Balzac, Louis-Ferdinand Céline, Neal Cassady, William S. Burroughs agus Naomh Thérèse de Lisieux
Teangacha	Béarla agus an Fhraincis
Conair
	Foireann
Saothar
	Saothar suntasach (1951) On the Road; (1958) The Dharma Bums (en) ; (1958) The Subterraneans (en) ; (1962) Big Sur (en) ; (1965) Desolation Angels (en) ;
Suíomh a chartlainne	Leabharlann Lámhscríbhinní, Cartlainne, agus Leabhar Uathúil Stuart A. Rose ; University of Victoria Special Collections and University Archives (en) [ SC240]; Ionad Harry Ransom [ MS-02282] ;
Teaghlach
Céile	Edie Parker (1944–1948); Joan Kerouac (1950–1951); Stella Sampas (1966–1969), bás an duine
Athair	Léo Alcide Kerouac agus Gabrielle Ange Lévesque
	Síniú
Suíomh gréasáin	jackkerouac.com

Údar agus file Meiriceánach ab ea Jack Kerouac (12 Márta, 1922 – 21 Deireadh Fómhair, 1969). Duine de scríbhneoirí móra a linne a bhí ann, agus é ina cheannródaí ar ghluaiseacht liteartha an Beat Generation in éineacht le William S.Burroughs agus Allen Ginsberg.

Saol

Bhí Fraincis ó dhúchas ag Kerouac, agus níor thosaigh sé ag foghlaim Béarla ach in aois a shé bliana dó. Ba as Québec dá athair is dá mháthair, agus tógadh Jack le Fraincis, ionas gurbh í sin an teanga a labhraíodh sé riamh lena thuismitheoirí.

Ba chlódóir é a athair, Léo Keroack (1889-1946). Bhí gaol ag Léo leis an mbráthair Marie-Victorin (Conrad Kirouac), scríbhneoir agus luibheolaí arbh é a chuir bun le gairdín luibheolaíochta Montréal. Gabrielle-Ange Lévesque (1895-1972) an t-ainm a bhí ar mháthair Jack (Jean-Louis), agus thugadh an mac "Mémère" uirthi.

Col ceathair don pholaiteoir René Lévesque a bhí inti - an fear céanna a bhunaigh an Parti Québecois i ndeireadh na seascaidí agus a bhí ina Phríomh-Aire ar Québec sna blianta 1976-1985. Pósadh Léo agus Gabrielle-Ange i mí Dheireadh Fómhair 1915.

Is beag a scríobh Jack ina theanga dhúchais seachas cúpla lámhscríbhinn, ach dealraíonn sé gur as Fraincis a bhreac sé síos an chéad dréacht don úrscéal On the Road.

Saothar

Tá clú agus cáil ar a shaothar inniu, ach ní bhfuair sé aitheantas ceart lena lá féin. Scríbhneoir cultais a bhí ann ar dtús, is é sin, scríbhneoir nach raibh suim ach ag dornán beag díograiseoirí ann. Ba í Ann Charters, eagarthóir a chuid leabhar, a bhain amach aitheantas dó tar éis a bháis.

Bhí an-tionchar aige ar scríbhneoirí eile ar nós Hunter S. Thompson, Tom Robbins, Lester Bangs, Will Clarke, Richard Brautigan, Ken Kesey, Haruki Murakami agus Tom Waits. Luaigh an file Gaeilge Cathal Ó Searcaigh a thionchar sa dán (Do Jack Kerouac) in The Bright Wave/An Tonn Gheal, cnuasach dátheangach a foilsíodh sa bhliain 1986.

Is iad na leabhair is cáiliúla a tháinig óna pheann ná

On the Road, a chaitheann súil an scéalaí shiúlaigh ar shaol na Stát Aontaithe timpeall ar lár na fichiú haoise;
The Dharma Bums, a thugann cur síos ar chairdeas Kerouac leis an bhfile Gary Snyder (sa leabhar "Japhy Ryder") agus ar an dóigh ar fhoghlaim sé uraiceacht an Bhúdachais ó Snyder;
Big Sur, a thráchtann ar iarrachtaí an scríbhneora éalú ó aer an tsaoil chathartha i gcoillte Big Sur i gCalifornia;
Subterraneans, scéal dírbheathaisnéisiúil eile faoi shaol na n-ealaíontóirí is na n-intleachtóirí i Nua-Eabhrac;
Desolation Angels, inar inis sé conas a d'éirigh sé tuirseach den Bhúdachas; agus
Visions of Cody, arb é an saothar is saibhre, is éagsúla ó thaobh na stíle is na foirme de a scríobh Kerouac riamh.
Is féidir blas na dírbheathaisnéise a aithint ar na saothair seo go léir, ach is féidir a rá go raibh Kerouac ag iarraidh cineál miotaseolaíochta dá chuid féin a fháscadh as imeachtaí a shaoil.