Heraclius

Ón Vicipéid, an chiclipéid shaor.
Heraclius
Heraclius and Heraclius Constantine solidus.jpg
Impire Biosántach

Deireadh Fómhair 5, 610 - Feabhra 11, 641
Phocas (en) Aistrigh - Konstantinos III
Saol
Eolas breithe An Chapadóicc. 575
Náisiúntacht Impireacht Bhiosántach
Bás Cathair Chonstaintín, 11 Feabhra 641
Muintir
Athair Heraclius the Elder
Máthair Epiphania
Céile/Céilí Fabia Eudokia (en) Aistrigh
Martina (en) Aistrigh
Páistí
Siblíní
Treibh Heraclian dynasty (en) Aistrigh
Gairm
Gairm polaiteoir

Impire na Biosáinte idir 610 agus 641 ab ea Heraclius (575 – 11 Feabhra, 641). Chuir sé an Ghréigis i bhfeidhm mar theanga oifigiúil na hImpireachta. Tháinig sé i gcumhacht tar éis gur ghlac a athair páirt in éirí amach i gcoinne an impire Phocas. An bhliain a tháinig sé i gcumhacht, áfach, bhí an Impireacht i mbaol ó naimhde éagsúla ar dhá theorainn ar a laghad. Bhí air smacht a ghabháil i rith an chogaidh idir a impireacht féin agus Impireacht na Sasánach. Cé gur chaill na Biosánaigh na céad cathanna san fheachtas sin, bhí an t-impire in ann cailleadh iomlán a sheachaint tríd an úsáid a bhain sé as cabhlach na Biosáinte agus na ballaí cosanta láidre taobh amuigh de Cathair Chonstaintín. Ina dhiaidh sin, b'éigean dó an t-arm a láidriú, agus d'éirigh leis na Sasánaigh a dhíbirt amach as an Anatóil. Sa bhliain 627 fuair sé an bua iomlán orthu i gCath Nineveh agus cuireadh rí na Sasánach, Khosrow II as cumhacht ag a mhac, Kavadh II, a ghéill go huile is go hiomlán do Heraclius sula d'fhág sé na críocha gafa. Mar sin a tháinig an tsíocháin faoi réim arís. Ina dhiaidh sin bhí air dul i ngleic le dúshlán nua: Concais na Moslamach. Tháinig na Moslamaigh ón Araib chun críocha na Sasánach a ghabháil. Faoi 634 a bhíodar sa Siria Rómhánach, áit a fuair siad an bua ar Theodore, deartháir Heraclius. Taobh istigh d'achar gearr, d'éirigh leo An Mheaspatáim, An Airméin agus An Éigipt a ghabháil. Rinne Heraclius iarracht caidreamh taidhleoireachta a bhunú idir na Crótaigh na Seirbiaigh sna Balcáin. Rinne sé iarracht freisin, an siosma sna heaglaisí Críostaí a réiteach. Dhiúltaigh an dá thaobh glacadh leis an réiteach seo, áfach.