George Boole

George Boole
Saol
Eolas breithe	Lincoln, 2 Samhain 1815
Náisiúntacht	Ríocht Aontaithe na Breataine Móire agus na hÉireann
Bás	Baile an Teampaill, 8 Nollaig 1864
Áit adhlactha	Corcaigh
Cúis bháis	(niúmóine)
Muintir
Céile/Céilí	Mary Everest Boole (en)  (Meán Fómhair 11, 1855 -
Páistí	liosta iomláin Ethel Lilian Voynich Alicia Boole Stott Mary Boole Hinton Margaret Boole Taylor Lucy Everest Boole
Oideachas
Teangacha	an Béarla
Gairm
Gairm	matamaiticeoir, fealsamh, loighceoir agus eolaí ríomhaireachta
Duaiseanna	Comhalta den Chumann Ríoga Royal medal  (1844) Keith Medal  (1855)
Ballraíocht	An Cumann Ríoga

Matamaiticeoir, loighceoir, agus fealsamh a saolaíodh i Lincoln Shasana is a d'oibrigh i gColáiste na Ríona i gCorcaigh ab ea George Boole (2 Samhain 1815 – 8 Nollaig 1864).

B'eisean a chéadcheap ailgéabar Boole, is é sin, an cineál ailgéabar a úsáidtear le réasúnaíochtaí loighciúla a chur i bhfoirm mhatamaiticiúil.

Is é ailgéabar Boole is bunús leis an ríomhaireacht nua-aimseartha go léir, agus ag caitheamh súil ar ais dúinn, is féidir linn a rá go raibh Boole ar dhuine acu siúd a bhunaigh an ríomheolaíocht mar bhrainse eolaíochta, cé nár tháinig an chéad ríomhaire ar an bhfód ach i bhfad i ndiaidh a lae.

Thug Boole isteach teoiric na do-athraitheachta (1841), brainse nua sa mhatamaitic a bhí bunúsach i dteoiric coibhneasachta Einstein.

Tá cáil ar Boole freisin as na leabhair

• Mathematical Analysis of Logic (Anailís Mhatamaiticiúil ar an Loighic, 1847) agus
• Laws of Thought (Dlíthe na Smaointeoireachta, 1854).

Rinne Boole céimeanna chun cinn i dteoiric na seiteanna, uimhreacha dénártha is an dóchúlacht.

Tugtar an leasainm bunaitheoir na glanmhatamaitice air.