Gearóid Mac Lochlainn
| Beathaisnéis | |
|---|---|
| Breith | 1967 56/57 bliana d'aois Béal Feirste, Northern Ireland  |
| Gníomhaíocht | |
| Gairm | file |
Is file é Gearóid Mac Lochlainn a rugadh i mBéal Feirste sa bhliain 1967. Tá clú idirnáisiúnta ar a chuid filíochta.[1]
Saol[cuir in eagar | athraigh foinse]
Níl Gaeilge ag Mac Lochlainn ón gcliabhán. D'fhoghlaim sé méid éigin Gaeilge ar an mbunscoil agus ansin thosaigh sé ag foghlaim na teanga ar Scoil Mhuire ar Bhóthar an Ghleanna in iarthar Bhéal Feirste agus é aon bhliain déag d'aois. Níos déanaí, ghlac sé post mar fhile cónaithe in Ollscoil Uladh, post atá á roinnt le hOllscoil na Ríona. Féachann sé ar an nGaeilge mar phróiseas foghlama fós.[2] Deir sé faoin nGaeilge: "glaonn sí ort, ní féidir a seachnadh, bíonn sí i gcónaí ar foluain os do chionn."[3]
Ba é Babylon Gaeilgeoir a chéad chnuasach filíochta. Sa réamhrá, dúirt an file iomráiteach Cathal Ó Searcaigh go raibh sé 'ag séideadh anáil bheo na n-óg isteach i seanscamhóga na Gaeilge, ag cur an fhuil a choipeadh arís ina cuislí, ag cur fonn suirí uirthi i dtearmann an dáin'.
Bhuaigh Sruth teangacha / Stream of tongues Duais Michael Hartnett, Duais an Bhuitléaraigh (ón bhForas Gael-Mheiriceánach) agus Duais Eithne agus Rupert Strong.[4]
Dar le beo.ie, "Tá rithimí an rap agus hip-hop chomh maith le jigeanna agus ríleanna le cluinstin ina chuid véarsaí. Is léiriú iad a chuid dánta ar an cheol atá taobh istigh de féin. Fear cúthail agus modhúil é Gearóid, a tógadh i gclann a cheol sular labhair siad. Nuair a amharcann tú air, is follasach go bhfuil ceol inmheánach á oibriú i gcónaí."[5]
Is é a deir Cló Iar-Chonnacht faoi, "Tá bealach faoi leith, le saothar Mhic Lochlainn. Athraíonn a chuid frithlaochra buailte a riocht agus a gcultúr agus iad ag dul ó áit go háit trí thrí bhriste, mhacarónach. Tugann siad cúl do thraidisiúin sheanbhunaithe filíochta, aistriúcháin agus seanchais na nGael, ag gluaiseacht ó fhilíocht na mbard go Spaghetti Westerns, ó na Mississippi blues go hamhráin ar an sean-nós, agus ar ais arís, turas a osclaíonn amach agus a chuimsíonn an próiseas cruthaitheach féin. Déantar smidiríní de choinbhinsiúin sa saothar seo áit a léiríonn Criss-Cross idirtheanga gan smacht gan ord inar thig le rud ar bith tarlú."
Filíocht[cuir in eagar | athraigh foinse]
- Sruth Teangacha/Stream of Tongues (Cló Iar-Chonnachta, 2002)
- Na Scéalaithe (Coiscéim, 1999)
- Babylon Gaeilgeoir (An Clochán, 1997)
- Criss-Cross Mo Chara
Tagairtí[cuir in eagar | athraigh foinse]
- ↑ http://www.bbc.co.uk/irish/video_audio/player/535/gaeilge/
- ↑ "Cóip cartlainne". Cartlannaíodh an bunleathanach ar 2007-11-18. Dáta rochtana: 2009-05-18.
- ↑ http://www.beo.ie/index.php?page=archive_content&archive_id=979[nasc briste go buan]
- ↑ "Cóip cartlainne". Cartlannaíodh an bunleathanach ar 2007-11-18. Dáta rochtana: 2009-05-18.
- ↑ http://www.beo.ie/index.php?page=archive_content&archive_id=979[nasc briste go buan]