Féile Woodstock

Ón Vicipéid, an chiclipéid shaor.
Jump to navigation Jump to search
Woodstock, 1969 - na sluaite agus an stáitse.

Féile cheoil ab ea Féile Woodstock (Woodstock de ghnáth, nó The Woodstock Festival) a bhí ar siúl amuigh faoin tuath ar fheirm Max Yasgur sa bhaile beag Bethel, Nua-Eabhrac, ar feadh deireadh seachtaine amháin, 15 Lúnasa go dtí go moch ar maidin ar an 18 Lúnasa sa bhliain 1969.[1] Sheinn dhá ghrúpa déag agus fiche ag an bhféile, os cionn lucht féachana de 400-500,000 duine.

Idir cheol, dhrugaí, shíocháin agus ghrá ba léiriú ceart í Féile Woodstock ar Réabhlóid Chultúrtha na seascaidí. Cé go bhfuil na blianta caite, tá rian na réabhlóide sin fós le brath agus le cloisteáil maidir le ceol, ealaín, damhsa agus saol na linne seo.[2]  

Parasol for the sun on the Woodstock festival field.jpg

Tábhacht[cuir in eagar | athraigh foinse]

Ócáid an-mhór a bhí ann i gcultúr na hipíthe, gluaiseacht a bhí ag sroicheadh a bhuaic ag deireadh na seascaidí.

Woodstock festival muds.jpg

Meastar go bhfuil an fhéile ar cheann de na hócáidí ab fhearr riamh i gceol nua-aimseartha. Thuill Woodstock áit sa 50 Moments That Changed the History of Rock and Roll, foilsithe ag an iris Rolling Stone.

Clár[cuir in eagar | athraigh foinse]

I measc na gceoltóirí a ghlac páirt ná Arlo Guthrie, Joan Baez, Santana, Canned Heat, Grateful Dead, Creedence Clearwater Revival, Janis Joplin, The Who, Jefferson Airplane, Joe Cocker, The Band agus Crosby, Stills, Nash and Young.

Woodstock festival stage.jpg

Críochnaíodh an deireadh seachtaine le taispeántas cáiliúil ó Jimi Hendrix, nuair a bhuail seisean an stáitse ag 4:00 maidin Dé Luain.

Tagairtí[cuir in eagar | athraigh foinse]

  1. "Woodstock Festival 1969 Trailer" (in en) . 
  2. TG4 (2019). "Clár TG4 "Hippy Dream" ar PressReader.com". www.pressreader.com. Dáta rochtana: 2019-08-15.