Eoghan Ó Néill
  | |
| Gníomhaíocht | |
|---|---|
| Gairm | iriseoir |
| Teangacha | An Ghaeilge |
 | |
Iriseoir, craoltóir agus tráchtaire as Béal Feirste is ea Eoghan Ó Néill a bhí ina eagarthóir ar Nuacht24, seirbhís a bhunaigh sé sa bhliain 2009. Is eagarthóir nuachta freisin é ar Raidió Fáilte i mBéal Feirste. Tá go leor taithí aige mar iareagarthóir ar Lá Nua agus mar iaririseoir le BBC Uladh.
Gairm
[cuir in eagar | athraigh foinse]As ceantar Bhóthar na bhFál ó dhúchas Eoghan Ó Néill.
Bhunaigh Eoghan Ó Néill agus a chara Gearóid Ó Cairealláin nuachtán seachtainiúil Gaeilge Preas an Phobail i 1981.
Ó 1984 ar aghaidh, foilsíodh an nuachtán go laethúil faoin teideal Lá.[1]
Bhunaigh siad stáisiún raidió Gaeilge Raidió Feirste an bhliain dar gcionn, stáisiún a bhí ag craoladh gan cheadúnas go dtí 2006, tráth a athbhaisteadh Raidió Fáilte air.
In 2008, bhunaigh Eoghan Ó Néill an nuachtán ar líne Nuacht24.com, seirbhís nuachta ar líne a bhí ceannródaíoch ag an am sin.
Chomh maith le neart ardán eile, is aoichainteoir rialta é an Niallach ar Nuacht RTÉ.
Duaiseanna
[cuir in eagar | athraigh foinse]Bronnadh gradam ar an Niallach mar Iriseoir na Bliana ag Gradam Cumarsáide an Oireachtais in 2009 agus 2011.[2]
Bronnadh Buaic-Ghradam Cumarsáide an Oireachtais 2023 air as téagar, substaint agus sárchaighdeán a shaothair sna meáin chumarsáide thar na blianta.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 Nuacht RTÉ (2023-10-24). "Buaic-Ghradam Cumarsáide le bronnadh ar Eoghan Ó Néill" (as ga-IE).
- ↑ http://www.gaelport.com/sonrai-nuachta?NewsItemID=2544[nasc briste go buan]