Eacnamaíocht na Sláinte in Éirinn

Ón Vicipéid, an chiclipéid shaor.
Jump to navigation Jump to search

Is éard atá i gceist le hEacnamaíocht na Sláinte in Éirinn ná cúrsaí maoinithe sláinte mar atá ar oilean na hÉireann. Is córas casta é córas sláinte na hÉireann, ceann a bhfuil rannóga poiblí agus príobháideacha ann atá fite fuaite lena chéile. Tá díreach os cionn trian den phobal i dteideal cúram sláinte saor in aisce, tástáilte ó thaobh acmhainne, a fháil ón stát. Tá an chuid eile i dteideal seirbhísí othar cónaitheacha nó seachtracha saor in aisce a fháil ach ní cúram príomhúil, dochtúirí teaghlaigh, nó drugaí ar oideas. Tá isteach is amach le 40% den phobal faoi chlúdach árachais shláinte phríobháidigh. Na fáthanna a gceannaíonn daoine árachas ná go meastar fáil níos sciobtha a bheith ar sheirbhísí, agus tuairim go bhfuil fáil ar sheirbhísí níos fearr sa tslí seo. Timpeall ar an mbliain 2000 chaitheadh Éire tuairim is 8.5% den OTN ar shláinte, beagán os cionn mheán an Aontais Eorpaigh. Tháinig méadú suntasach ar an gcaiteachas sláinte thart faoin mbliain 2000 agus an rialtas ag déanamh iarracht leigheas a chur ar liostaí fada feithimh agus feitheamh do dhochtúirí comhairleacha agus do mháinliacht. Thainig na fadhbanna seo sna sála ar infheistiú íseal agus ciorruithe móra i rith an chúlaithe geilleagraí sna 1980dí deireanacha. Bhíodh monaplacht ag an VHI bord árachais shláinte, a bhí státmhaoinithe. Osclaíodh an margadh árachais shláinte sa bhliain 1996 agus tháinig BUPA isteach ann ina dhiaidh sin. Bunaíodh córas árachais shláinte ar na prionsabail seo; dlúthpháirtíocht idir glúnta faoi árachas trí ghrádú comphobal, liostáil oscailte, clúdach saoil, agus comhionannú riosca. Ó thuaidh tá clúdach uilíoch ann agus scarúint idir an ceannaitheoir agus an soláthróir ach cosúlachtaí eatarthau seachas sin.

Féach freisin[cuir in eagar | athraigh foinse]

Foinsí[cuir in eagar | athraigh foinse]

  • The Encyclopaedia of Ireland – Meán Fómhair 1, 2003, Brian Lalor (Eag)