Domhnaill Ó Bearáin

Domhnaill Ó Bearáin

Beathaisnéis
Breith	28 Feabhra 1928 Contae Átha Cliath Theas, Éire
Bás	3 Eanáir 2018 89 bliana d'aois
Uachtarán Irish Human Rights Commission (en)
Breitheamh An Chúirt Uachtarach
Faisnéis phearsanta
Scoil a d'fhreastail sé/sí	Coláiste Belvedere An Coláiste Ollscoile, Baile Átha Cliath Óstaí an Rí
Gníomhaíocht
Gairm	breitheamh, abhcóide
Gradam a fuarthas  dochtúireacht oinigh de Ollscoil na hÉireann.

Na Ceithre Cúirteanna, BÁC

Breitheamh Éireannach ab ea Donal Barrington nó Domhnaill Ó Bearáin (28 Feabhra 1928 – 3 Eanáir 2018), Bhí sé ina bhreitheamh den Ard-Chúirt (1979-89), de Chúirt Chéadchéime na gComhphobal Eorpach (An Chúirt Ghinearálta (Aontas Eorpach) inniu) (1989-96) agus den Chúirt Uachtarach (1996-2000).

Saol

Agus é ina neach léinn i gCOBÁC, bhí sé ina Reachtaire ar an gCumann Dlí sa bhliain acadúil 1949-50. Glaodh chun an Bharra air an bhliain dár gcionn.

Sa bhliain 1967 rinneadh abhcóide sinsearach de. I rith a shaoil gairme fhada mar dhlíodóir, phléideáil sé roinnt cásanna ríthábhachta, cosúil le

• Byrne v Ireland (deireadh le díolúine an stáit),
• McGee v Attorney General (ceart na lánúineacha pósta chun frithghiniúna) agus
• an cás a thug An tAthair PX Ó Máirtín i gcoinne Bhardas Bhaile Átha Cliath maidir le tógáil Oifigí na Cathrach ag Cé an Adhmaid.

Chomh maith le bheith ina dhlíodóir agus ina bhreitheamh, ba intleachtóir tábhachtach é in Éirinn sa tríú ceathrú den fhichiú haois, go mór mór mar gheall ar an bpáirt a ghlac sé sa ghrúpa Tuairim. Rinne sé cuid mhaith den réiteach i gcomhair athrú dearcaidh náisiúnaithe na hÉireann maidir le Tuaisceart Éireann agus le hAontachtaithe Uladh.